কালি সোমবাৰে উচ্চতম ন্যায়ালয়ে ভাৰত চৰকাৰৰ ৩৭০ অনুচ্ছেদ বাতিলৰ সিদ্ধান্তক সমৰ্থন কৰে। আদালতৰ সিদ্ধান্তৰ দিনটোত জম্মু-কাশ্মীৰ সম্পূৰ্ণ হাই এলাৰ্টত আছিল। এই সময়ছোৱাত জম্মু-কাশ্মীৰৰ আঞ্চলিক নেতাসকলক গৃহবন্দী কৰি ৰখাৰ খবৰ আহিছিল। পিপলছ ডেম’ক্ৰেটিক পাৰ্টিৰ নেত্ৰী মেহবুবা মুফটিক গৃহবন্দী কৰি ৰখাৰ দাবীৰ পিছতে জম্মু-কাশ্মীৰৰ উপ-ৰাজ্যপাল মনোজ সিনহাৰ এই মন্তব্য আৰু তেওঁ গৃহবন্দীৰ কথা সম্পূৰ্ণৰূপে নাকচ কৰে।
ইয়াৰ পিছত নিশা ৰাষ্ট্ৰীয় সন্মিলনৰ নেতা তথা প্ৰাক্তন মুখ্যমন্ত্ৰী ওমৰ আব্দুল্লাৰ এটা ভিডিঅ’ ছ’চিয়েল মিডিয়াত ভাইৰেল হৈ পৰে, য’ত তেওঁ নিজৰ ঘৰৰ এটা অংশৰ পৰা চিঞৰি ওলাই আহি সংবাদ মাধ্যমৰ সৈতে কথা পতা দেখা গ’ল। ওমৰ আব্দুল্লাই কয় যে এল জি চাহেব, জম্মু-কাশ্মীৰ পুলিচে মিছা কথা কৈছে, মোক মোৰ ঘৰতে বন্দী কৰি ৰখা হৈছে। ওমৰ আব্দুল্লাই সহকৰ্মী কেইজনমানক গৃহবন্দী কৰি ৰখা বুলিও দাবী কৰে।
‘দোষীক ধৰিবলৈ তেওঁলোকৰ সাহস নাই’।
যেতিয়া ওমৰ আব্দুল্লাক সোধা হৈছিল যে উচ্চতম ন্যায়ালয়ৰ এই সিদ্ধান্তৰ প্ৰতি কেনে প্ৰতিক্ৰিয়া প্ৰকাশ কৰিব। তেওঁ কয় যে উচ্চতম ন্যায়ালয়ৰ সিদ্ধান্তক লৈ মোৰ ক’বলগীয়া একো নাই। সংবাদ মাধ্যমৰ ফালে আঙুলিয়াই প্রাক্তন মুখ্যমন্ত্রীগৰাকীয়ে ক’লে যে আদালতৰ সিদ্ধান্তক লৈ আজি আপোনালোকৰ লগত কথা পাতিব বিচাৰিছো, কিন্তু ৰাতিপুৱাই পুলিচ কেইজনমান মোৰ ঘৰলৈ আহি তলা লগাই গুচি গ’ল৷ জম্মু-কাশ্মীৰ প্ৰশাসন আৰু চৰকাৰক আক্ৰমণ কৰি ওমৰে কয় যে তেওঁলোকৰ দোষীক ধৰিবলৈ সাহস নাই আৰু তেওঁৰ ঘৰত তলা লগোৱা হৈছে।
‘মুখত গালি ফুটিব’
সংবাদ মাধ্যমৰ লগত কথা পাতি থাকোঁতে এটা সময় আহিল যেতিয়া ওমৰ আব্দুল্লাক ক্ষুব্ধ হৈ পৰা দেখা যায়। প্ৰাক্তন মুখ্যমন্ত্ৰীগৰাকীয়ে কয়, ”মই খঙত গালি-গালাজ কৰিব নিবিচাৰো, কিন্তু মুখত এতিয়া গালি ফুটিব। কাৰণ এই মানুহবোৰ মিছলীয়া।’’ ওমৰ আব্দুল্লাক ঘৰৰ পৰা কেতিয়া ওলাই আহিব বুলি সোধাত ওমৰে কয় যে তলাটো খুলি দিলেই তেওঁ ওলাই আহিব। ওমৰে ৰাজ্য আৰু কেন্দ্ৰীয় চৰকাৰৰ স্বাভাৱিকতাৰ দাবীকো নাকচ কৰি কয় যে যদি সকলোতে কথাবোৰ স্বাভাৱিক হয় তেন্তে মানুহক কিয় গৃহবন্দী কৰা হৈছে।
