গোপন খবৰৰ ভিত্তিত মাৰ্ঘেৰিটা আৰক্ষী থানাৰ এটা আৰক্ষী দলে মাৰ্ঘেৰিটাৰ হিল ভিউৰ ওচৰৰ এটা ভাড়াঘৰত অভিযান চলাই জুৱা খেলি থকা অৱস্থাত আঠজন লোকক কৰায়ত্ত কৰিবলৈ সক্ষম হয়। আৰক্ষীয়ে জুৱাৰী কেইজনৰ পৰা ৮৯,০০০ টকা আৰু কিছু খেলৰ সামগ্ৰী জব্দ কৰে।
ধৃত জুৱাৰী কেইজন ক্ৰমে- উজ্জল সূত্ৰধাৰ (পুচু), প্ৰাণজিত কোঁৱৰ (জুনটি), বাসু দে, উৎপল দাস, পিন্টু হুছেইন, পিলপিল কলিতা, দুদুমণি কোঁৱৰ আৰু মনোজ কুমাৰ দত্ত বুলি চিনাক্ত কৰা হৈছে। আনহাতে ধৃত উৎপল দাস অসম আৰক্ষীৰ এজন কনিষ্টবল বুলি জানিব পৰা গৈছে।
ধৃত কেইজনৰ বিৰুদ্ধে মাৰ্ঘেৰিটা আৰক্ষী থানাত এটা গোচৰ ৰুজু ন্যায়িক জিম্মালৈ প্ৰেৰণ কৰা হৈছে।
