লকডাউনৰ মাজতেই ৰাইজক জুৰুলা কৰিছে বানে। তাৰ সমান্তৰালভাৱেভাৱে মহানগৰীত ভূমিস্খলন। মালিগাঁৱত পুনৰ ভয়ংকৰ ভূমিস্খলন৷ জালুকবাৰী আৰক্ষী চকীৰ সমীপৰ এটা অঞ্চলত গাৰ্ড ৱাল খহি বিস্তৰ ক্ষতি কৰে ধনুশ দেৱনাথ নামৰ এজন লোকৰ বাসগৃহৰ৷ কথমপি ৰক্ষা পৰিল পৰিয়ালৰ লোকসকলৰ প্ৰাণ৷ ধবংস হৈছে পৰিয়ালতোৰ বহুতো অত্যাৱশকীয় সামগ্ৰী ৷ উল্লেখযোগ্য যে সেই স্থানৰ সমীপতে কিছুদিন আগত সংঘটিত হৈছিল আন এক ভয়ংকৰ ভূমিস্খলন৷ যদিহে প্ৰশাসনে অনতি পলমে বিহিত ব্যৱস্থা গ্ৰহণ নকৰে অঞ্চলটো সন্মুখীন হ’ব পাৰে এক অনাকাংক্ষিত বিপদৰ৷ আনহাতে, অম্বিকাগিৰি নগৰৰ এটা পথো বন্ধ হৈ পৰে ভূমিস্খলনৰ ফলত। পুৱাৰে পৰা পথটোৰে ব্যাহত পৰিছে যাতায়াত।
