মানকাচৰৰ ভাৰত-বাংলাদেশ সীমান্তবৰ্তী সাহাপাৰা কালো নৈৰ দলঙত বিএছএফ জোৱানক আক্ৰমণ বাংলাদেশী দুৰ্বৃত্তৰ।
দিনৰ প্ৰায় ১ বজাত বাংলাদেশী দুৰ্বৃত্তৰ আক্ৰমণত আহত হয় এজন বিএছএফ জোৱান।
জানিব পৰা মতে, বাংলাদেশৰ ফালৰ পৰা অহা চোৰাং গৰু ব্যৱসায়ীৰ আক্ৰমণত আহত হয় এজন বি এছ এফ জোৱানগৰাকী।
আহত বি এছ এফ জোৱানজনক মানকাচৰ সমূহীয়া স্বাস্থ্য কেন্দ্ৰত ভৰ্তি কৰোৱা হয়।
চোকা অস্ত্ৰৰে শৰীৰৰ কেইবা ঠাইত আঘাত কৰে চোৰাং গৰু সৰবৰাহকাৰীয়ে।
অকল বাংলাদেশেই নহয় ভাৰত-বাংলা দুয়োফালৰ গৰু সৰবৰাহকাৰীয়ে বি এছ এফ জোৱানজনক আক্ৰমণ চলায় বুলি সূত্ৰত প্ৰকাশ।
লক্ষণীয় যে অলপতে কেন্দ্ৰীয় গৃহমন্ত্ৰী অমিত শ্বাহে পৰিদৰ্শন কৰা মানকাচৰৰ ভাৰত-বাংলা সীমান্তত সংঘটিত হয় এনে ঘটনা।
