মাতৃৰ ওপৰত খং কৰি ঘৰৰ পৰা ওলাই যোৱা ৰশীদাৰ সন্ধান বিচাৰি এতিয়া হাহাকাৰ কৰিছে পৰিয়ালে। যোৱা ৫ এপ্ৰিলত মাতৃৰ সৈতে সামান্য কাজিয়া হৈছিল ১৯ বৰ্ষীয় ৰশীদাৰ। তাৰ পিছতে বায়েকৰ ঘৰলৈ যাম বুলি খঙতে ওলাই আহিছিল ঘৰৰ পৰা। কিন্তু বায়েকৰ ঘৰলৈ যোৱাই নাছিল তেওঁ।
দৰং জিলাৰ সেৰপুৰ গাঁৱৰ প্ৰয়াত নুৰ ইছলাম আৰু তাকমিনা খাতুনৰ কন্যা ৰশীদা বেগম সন্ধানহীন হোৱাৰ খবৰে এতিয়া পৰিয়ালটোৰ চকুৰ টোপনি হৰিছে। যুৱতীগৰাকীৰ সন্ধান কৰি পৰিয়ালৰ সদস্যই বন্ধু, আত্মীয় সকলোতে চলাথ কৰিছে যদিও এই মুহূৰ্তলৈকে সন্ধান লাভ হোৱা নাই ৰশীদা বেগমৰ। ইতিমধ্যে ধূলা আৰক্ষী থানাত নিৰুদ্দেশ সন্দৰ্ভত এখন এজাহাৰো দাখিল কৰিছে পৰিয়ালৰ লোকে। কিন্তু যুৱতীগৰাকীৰ সন্ধান উলিওৱাৰ ব্যৰ্থ হৈছে আৰক্ষীও।
সেয়ে ১৯ বৰ্ষীয় ৰশীদাৰ কোনোবাই সন্ধান পালে 9365607824 অথবা 8638786007 নম্বৰত যোগাযোগ কৰিবলৈ কাতৰ আহ্বান জনাইছে পৰিয়ালে।
