মাজুলীৰ দেওদিয়াআটী গাঁৱত আটক কৰিবলৈ যোৱা আচামীৰ আক্ৰমণত আহত হয় এছআই সহ ৪ গৰাকীকৈ আৰক্ষী জোৱান। জানিব পৰা মতে, শুকুৰবাৰে নিশা গাঁওখনৰ কেশৱ হাজৰিকা নামৰ আচামী জনক আটক কৰিবলৈ গৈছিল আৰক্ষীৰ দলটো। কিন্তু ঘৰৰ দৰ্জা খোলাৰ লগে লগে চোকা অস্ত্ৰৰে আৰক্ষীৰ দলটোৰ ওপৰত আক্ৰমণ কৰে আচামীজনে। যাৰ ফলত এছ আই উৎপল দাস সহ তিনিগৰাকী আৰক্ষী কনিষ্টবল গুৰুতৰভাৱে আহত। আহত আৰক্ষী জোৱান কেইজনক হাস্পতালত ভৰ্তি কৰা হৈছে।
ইফালে আৰক্ষীয়ে নিশাই দেওদিয়াআটী গাঁৱৰ কেইবাজনো লোকক আটক কৰি ঘটনা সন্দৰ্ভত সোধাপোছা চলায়। আনহাতে আৰক্ষীক আক্ৰমণ কৰি পলায়ন কৰা আচামী কেশৱ হাজৰিকাকো নিশাই আৰক্ষীয়ে অভিযান চলাই আটক কৰিবলৈ সক্ষম হয়।
