এক চাঞ্চল্যকৰ ঘটনাত নগাঁও জিলাৰ জিলা উপায়ুক্তই (ডি চি) ব্যক্তিগত চেটেলাইট চেনেলত নিয়োজিত সাংবাদিকক আক্ৰমণ কৰাৰ অভিযোগ উত্থাপন হৈছে। দিপাংকৰ মেধি নামৰ সাংবাদিকজনে নগাঁৱৰ উপায়ুক্ত নৰেন্দ্ৰ শ্বাহে কাৰ্যালয়ৰ ভিতৰতে চিচিটিভি বন্ধ কৰি শাৰীৰিক নিৰ্যাতন চলোৱাৰ অভিযোগ উত্থাপন কৰে।
এই সন্দৰ্ভত ছ’চিয়েল মিডিয়া প্লেটফৰ্মত এটা ভিডিঅ’ ভাইৰেল হৈছে য’ত দেখা গৈছে যে আৰক্ষী অধীক্ষকৰ দেহৰক্ষীয়ে সাংবাদিকজনক টানি লৈ গৈছিল।
প্ৰাৰম্ভিক তথ্য অনুসৰি দিপাংকৰে উপায়ুক্তৰ কাৰ্যালয়লৈ গৈ এগৰাকী মহিলাৰ হৈ উপায়ুক্তক অনাদায় পেঞ্চনৰ বিষয়ে সোধা-পোছা কৰে। কিন্তু উপায়ুক্তগৰাকীয়ে ইয়াৰ পৰিৱৰ্তে কাৰ্যালয়ৰ ভিতৰতে সাংবাদিকজনক গতা মাৰে আৰু পিছত মহিলাগৰাকীৰ অনাদায় পেঞ্চনৰ বিষয়ে সোধা-পোছা কৰিবলৈ থানালৈ লৈ যায়।
সমগ্ৰ ৰাজ্যৰ কেইবাজনো সাংবাদিকে ছ’চিয়েল মিডিয়াত এই ঘটনা সন্দৰ্ভত প্ৰতিক্ৰিয়া প্ৰকাশ কৰি বিষয়টোৰ সবিশেষ তদন্তৰ দাবী জনায়।
