গুৱাহাটীঃ মহানগৰীৰ দুটাকৈ গাড়ীৰ শ্ব’ৰুমত সংঘটিত ভয়ংকৰ অগ্নিকাণ্ডত জাহ হ’ল কোটি কোটি টকাৰ সম্পত্তি। জানিব পৰা মতে, বশিষ্ঠ অঞ্চলৰ এটা চাৰিচকীয়া আৰু এটা দুচকীয়া বাহনৰ শ্ব’ৰুমত সংঘটিত হয় এই অগ্নিকাণ্ড।
অগ্নিকাণ্ডত ধ্বংস হোৱা সম্পত্তিৰ মূল্য ১০ কোটিৰো অধিক হ’ব বুলি অনুমান কৰা হৈছে।
কিন্তু ঘটনাটোত কোনো লোকৰ হতাহত বা আঘাতপ্ৰাপ্ত হোৱা নাই বুলি জানিব পৰা গৈছে।
অগ্নিকাণ্ডত কমেও ৬খন ইছুজু গাড়ী আৰু ৮খন বেনেলি মটৰ চাইকেল জুইত জাহ যায়।
পিছত ঘটনাস্থলীত কেইবাখনো অগ্নি নিৰ্বাপক বাহিনীৰ গাড়ী উপস্থিত হৈ জুই নিয়ন্ত্ৰণ কৰিবলৈ সক্ষম হয়।
শ্বৰ্ট চাৰ্কিটৰ ফলত এই অগ্নিকাণ্ড সংঘটিত হোৱাৰ আশংকা কৰা হৈছে।
অগ্নিকাণ্ড সংঘটিত হোৱাৰ পিছতে এটা চিলিণ্ডাৰো বিস্ফোৰণ ঘটে আৰু শ্ব’ৰুমবোৰৰ পিছফালে মজুত কৰি ৰখা বহু লিটাৰ পেট্ৰ’ল আৰু ডিজেলতো জুই বিয়পি পৰে।
