মণিপুৰৰ উখৰুল জিলাত মঙলবাৰে চালকে নিয়ন্ত্ৰণ হেৰুৱাই এখন বাছ বাগৰি পৰাত এক ডজন কলেজীয়া ছাত্ৰ সামান্য আহত হয় বুলি আৰক্ষীয়ে জনায়।
আৰক্ষীক জনোৱা মতে, উখৰুলৰ খৰাৰফুং অঞ্চলত পুৱা ১০.২০ বজাত সংঘটিত হয় এই দুৰ্ঘটনা। উখৰুল চহৰ আৰু সোমছাইৰ ওচৰৰ মেইজালুং অঞ্চলৰ পেটিগ্ৰু কলেজ কেম্পাছৰ মাজত চলাচল কৰে এই বাছখন।
আহত ১৩ জন কলেজীয়া ছাত্ৰ আৰু এজন হেণ্ডিমেনক চিকিৎসাৰ বাবে ওচৰৰ লেইশ্বুং খ্ৰীষ্টান হাস্পতাললৈ লৈ যোৱা হয়।
উখৰুল জিলাৰ এজন আৰক্ষী বিষয়াই কয়, ‘এতিয়া অধিকাংশ ছাত্ৰ-ছাত্ৰীক ডিচচাৰ্জ দিয়া হৈছে।
ঙাইংগা গাঁৱৰ থেমবয় মুইনাও নামৰ আহত হেণ্ডিমেনজনকো প্ৰাথমিক চিকিৎসা প্ৰদান কৰা হয় আৰু পিছত শ্বাস-প্ৰশ্বাসৰ সমস্যাৰ অভিযোগত ইম্ফল চিকিৎসালয়লৈ প্ৰেৰণ কৰা হয়।
