বৰপেটা জিলাৰ তাৰাবাৰীত আৰক্ষীয়ে অভিযান চলাই শনিবাৰে হেৰোইনসহ দুজন ড্ৰাগছ সৰবৰাহকাৰীক আটক কৰিবলৈ সক্ষম হয়।
তাৰাবাৰী আৰক্ষী থানাৰ ভাৰপ্ৰাপ্ত বিষয়া ৰাজীৱ নেওগৰ তৎপৰতাত এক গোপন খবৰৰ ভিত্তিত অভিযান চলাই আৰক্ষীৰ এটা দলে তাৰাবাৰীৰ ছাটাগাঁৱৰ পৰা ড্ৰাগছ সৰবৰাহকাৰী দুটাক আটক কৰে।
ধৃত ড্ৰাগছ সৰবৰাহকাৰী দুজনক ক্ৰমে বৰপেটা জিলাৰ কলগাছিয়াৰ আবুল হুছেইনৰ পুত্ৰ তালিমুল ইছলাম আৰু প্ৰয়াত আব্দুল ছামাদ খানৰ পুত্ৰ মইদুল ইছলাম খান বুলি জানিব পৰা গৈছে। ধৃত যুৱক দুজনৰ বিৰুদ্ধে তাৰাবাৰী আৰক্ষীয়ে নিজাববীয়াকৈ গোচৰ ৰুজু কৰি তদন্ত অব্যাহত ৰাখিছে।
