বিশ্বনাথৰ ফটিকাবস্তীত বুঢ়িগাং নৈত গা-ধুই থকা অৱস্থাত সন্ধানহীন হোৱা যুৱক শশাংক কটকীৰ ঘটনাৰ নতুন মোৰ ৷ বনভোজ খাবলৈ অহা বন্ধুৱে মিলি শশাংকক পৰিকল্পিতভাৱে হত্যা কৰাৰ সন্দেহ পৰিয়ালৰ ৷ ঘটনাৰ সৈতে জড়িত থকাৰ সন্দেহত আৰক্ষীয়ে আটক কৰিছে চাৰিজনকৈ বন্ধুক৷ আটক কৰা কেইজন ক্ৰমে চতিয়াৰ চতিয়াল গাৱৰ শশাংকু হাজৰিকা, বিশ্বনাথ চাৰিআলি খৰাশিমলুৰ আকাশ বৰা, লেছুবাৰীৰ সোনমনি দাস আৰু বামগাৱৰ বিপুল দাস ৷ শশাংকৰ পত্নী ঘটনাৰ লগত জড়িত থকাৰ সন্দেহ পৰিয়ালৰ ৷ শশাংকৰ পত্নীৰ সৈতে শশাংকৰ বন্ধুৰ অবৈধ সম্পৰ্ক থকাৰ সন্দেহ পৰিয়ালৰ ৷ মাটি বিক্ৰী কৰি ২২ লাভ কৰিছিল শশাংকই ৷ উল্লেখ্য যে কালি নদীৰ পাৰত উদ্ধাৰ হৈছিল যুবকজনৰ মোবাইল আৰু কাপোৰ ৷ বন্ধুৰ সৈতে গা-ধুবলৈ আহিছিল যুৱকজন৷ নদীৰ পাৰতে ৰান্ধি বন্ধুৰ সৈতে মিলি দুপৰীয়াৰ সাজ খাইছিল যুৱকজনে। দুপৰীয়া সাজ খোৱাৰ পিছত পুনৰ নদীত গা-ধুবলৈ যোৱা যুৱকজনক বিচাৰি নাপালে বুলি প্ৰকাশ কৰিছিল লগত থকা বন্ধুৱে ৷ আজি পুৱাৰে পৰা SDRF য়ে অভিযান চলাই উদ্ধাৰ কৰে শশাংকৰ মৃতদেহ ৷ শশাংকৰ পত্নী ঘটনাস্থলীত উপস্থিত হৈছিল যদিও সাংবাদিকক দেখি আতৰি যায় ৷
