ষ্টাফৰিপৰ্টাৰ, বিশ্ব ঐতিহ্য ক্ষেত্ৰ কাজিৰঙা ৰাষ্ট্রীয় উদ্যানৰ বৃহৎ অংশ সম্প্ৰতি বানপানীত আক্ৰান্ত হৈছে। কাজিৰঙাত বৃহস্পতিবাৰে উপস্থিত হৈ সামগ্ৰিক বান পৰিস্থিতিৰ বুজ লয় মুখ্যমন্ত্ৰী সৰ্বানন্দ সোণোৱালে।মুখ্যমন্ত্ৰী য়ে কয় ‘বন বিভাগৰ বিষয়া-কৰ্মীসকলে প্ৰশাসন, আৰক্ষী আৰু অন্যান্য সংস্থাসমূহৰ সৈতে মিলি বানাক্ৰান্ত জীৱ-জন্তুক পৰ্যাপ্ত পৰিমাণে খাদ্য যোগান ধৰাৰ লগতে উপযুক্ত চিকিৎসাৰ ব্যৱস্থা কৰিছে।’
বানপানীৰ ফলত নিজৰ প্ৰাকৃতিক বাসস্থানৰপৰা স্থানান্তৰিত হোৱা বন্যপ্ৰাণীসমূহকে ধৰি সকলো জীৱ-জন্তুৰ সুৰক্ষা নিশ্চিত কৰাৰ বাবে প্ৰয়োজনীয় পদক্ষেপ ল’বলৈ বিষয়াবৰ্গক নিৰ্দেশ দিয়ে মুখ্যমন্ত্ৰী সোণোৱালে।
