ধুবুৰী জিলাৰ ২৬নং বিলাসীপাৰা পশ্চিম বিধানসভা সমষ্টিত ক্ৰমাৎ শক্তিশালী হৈছে শাসকীয় বিজেপিৰ স্থিতি। বিধানসভা নিৰ্বাচনৰ আগে আগে বুধবাৰে সমষ্টিটোৰ দুই শতাধিক কংগ্ৰেছ-এআইইউডিএফ কৰ্মীয়ে বিজেপিত যোগদান কৰে।
বিজেপিৰ চিকিৎসা বিভাগৰ ৰাজ্যিক সদস্য তথা ধুবুৰী পূব জিলা কমিটিৰ প্ৰভাৰী ড০ ছাইফুৰ ৰহমানৰ নেতৃত্বত বুধবাৰে বিলাসীপাৰাৰ বোৱাল কামৰী গাঁৱত অনুষ্ঠিত বিজপিৰ এক যোগদান কাৰ্যসূচীত কংগ্ৰেছ-এআইইউডিএফৰ লগতে চিপিআইএমৰ দুই শতাধিক কৰ্মীয়ে আনুষ্ঠানিকভাৱে শাসকীয় দলটোত যোগদান কৰে। বিজেপিৰ এই যোগদান কাৰ্যসূচীত সংখ্যালঘু মৰ্চাৰ ৰাজ্যিক সদস্য আশ্ৰাৱ আলীকে ধৰি কেইবাগৰাকী বিজেপি নেতা উপস্থিত থাকে।
