নিৰ্বাচনৰ দিন চমু চাপি অহাৰ লগে লগে বিৰোধী কংগ্ৰেছৰ প্ৰচাৰ তুংগত উঠিছে৷ নামনি অসমৰ বিলাসীপাৰা পশ্চিম সমষ্টিতো পিছ পৰি থকা নাই কংগ্ৰেছ৷ আজি বিলাসীপাৰা পশ্চিম সমষ্টিত নায়েৰ আলগা আৰু মহামায়া ব্লক কংগ্ৰেছৰ উদ্যোগত বুথ সংকল্প শিবিৰ অনুষ্ঠিত হয়৷ ধুবুৰী জিলা কংগ্ৰেছৰ সভাপতি উত্তম কুমাৰ সৰকাৰৰ সভাপতিত্বত অনুষ্ঠিত বুথ সংকল্প শিবিৰত মুখ্য অতিথি হিচাপে অসম প্ৰদেশ কংগ্ৰেছৰ উপ-সভাপতি তথা দক্ষিণ শালমাৰা সমষ্টিৰ বিধায়ক ৱাজেদ আলী চৌধুৰী উপস্থিত থাকে৷ শাসকীয় বিজেপি চৰকাৰক কঠোৰ সমালোচনা কৰে ৱাজেদ আলী চৌধুৰীয়ে। সভাত ধুবুৰী জিলা পৰিষদৰ অধ্যক্ষ আছাদুৰ ৰহমান, নায়েৰ আলগা ব্লক কংগ্ৰেছৰ সভাপতি তয়জাল হক মণ্ডল, মহামায়া ব্লক কংগ্ৰেছৰ সভানেত্ৰী ছাভানা আখতাৰ, কংগ্ৰেছ কৰ্মী গোলাম ৰাব্বানী, ইদ্ৰিছ আলী, আব্দুল খালেক, নায়েৰ আলগা আঞ্চলিক পঞ্চায়ত সভানেত্ৰী হাচিনা খাতুন উপস্থিত থাকে।
