গুৱাহাটীঃ বদলি হোৱাৰ পিছত নতুন পদত যোগদান নকৰাৰ বাবে অসম চৰকাৰে নিলম্বন কৰিছে অসম অসামৰিক সেৱাৰ দুজন বিষয়াক।
নিলম্বিত এচিএছ বিষয়া দুজনৰ নাম অনুৰাগ ফুকন আৰু হুমন গোহাঁই বৰুৱা।
বদলি হোৱাৰ পিছত নতুন পদত যোগদান কৰিবলৈ অস্বীকাৰ কৰা ২ জন ACS বিষয়াৰ বিৰুদ্ধে ৰাজ্য চৰকাৰৰ নীতি অনুসৰি এই সিদ্ধান্ত গ্ৰহণ কৰা হৈছে।
সাংস্কৃতিক পৰিক্ৰমা বিভাগ দিছপুৰত উপ-সচিব আৰু সাংস্কৃতিক পৰিক্ৰমাৰ যুটীয়া সঞ্চালক (অতিৰিক্ত দায়িত্ব) হিচাপে কাৰ্যনিৰ্বাহ কৰি অহা অনুৰাগ ফুকনৰ গোচৰত জাৰি কৰা অধিসূচনা অনুসৰি বদলি কৰি সাধাৰণ প্ৰশাসন বিভাগত প্ৰট’কল বিষয়া হিচাপে নিযুক্তি দিয়া হৈছিল ( GAD) চলিত বৰ্ষৰ ২৫ এপ্ৰিলত। কিন্তু সাধাৰণ প্ৰশাসন বিভাগৰ অসম চৰকাৰৰ উপায়ুক্ত তথা সম্পাদক গৰাকীয়ে কর্মচাৰী বিভাগক জনোৱা মতে, তেওঁ ১৩ মে’লৈকে সাধাৰণ প্রশাসন বিভাগত প্রট’কল বিষয়া হিচাপে পদৰ স্থানত যোগদান কৰা নাছিল৷
“এইদৰে অনুৰাগ ফুকন, এচিএছে চৰকাৰী নিৰ্দেশনা মানি চলাত ব্যৰ্থ হৈছিল যিটো চৰকাৰী আদেশ উলংঘা, অবাধ্যতা আৰু-গুৰুতৰ অসৎ আচৰণৰ সমান। এতিয়া, সেয়ে অনুৰাগ ফুকন, এ চি এছক তাৎক্ষণিকভাৱে কাৰ্যকৰী হোৱাকৈ অসম সেৱা (অনুশাসন আৰু আপীল) নিয়মাৱলী, ১৯৬৪ৰ নিয়ম ৬(১) (ক)ৰ অধীনত নিলম্বনৰ অধীনত ৰখা হৈছে। নিলম্বনৰ সময়ছোৱাত অনুৰাগ ফুকনৰ মুখ্য কাৰ্যালয় এচিএছ কামৰূপ (এম) হিচাপে থাকিব।’-অধিসূচনাত কোৱা হৈছে।
আন এখন অধিসূচনাত উল্লেখ কৰা হৈছে যে খিলঞ্জীয়া আৰু জনজাতীয় বিশ্বাস আৰু সংস্কৃতি বিভাগত অধীনস্থ সচিব হিচাপে কাৰ্যনিৰ্বাহ কৰি থকা হুমন গোহাঁই বৰুৱাকো চলিত বৰ্ষৰ ২৫ এপ্ৰিলত সাধাৰণ প্ৰশাসন বিভাগত প্ৰট’কল বিষয়া হিচাপে বদলি কৰা হৈছে। কিন্তু জিএডিৰ উপায়ুক্ত আৰু সম্পাদকে কৰ্মী বিভাগক জনোৱা মতে, তেওঁ ১৩ মে’লৈকে সাধাৰণ প্ৰশাসন বিভাগত প্ৰট’কল বিষয়া হিচাপে পদৰ স্থানত যোগদান কৰা নাছিল।১৯ জুনত তেওঁৰ নতুন পদত যোগদান নকৰাৰ কথা পুনৰ নিশ্চিত কৰা হয়।
“সাধাৰণ প্ৰশাসন বিভাগৰ পৰা আৰু নিশ্চিত কৰা হৈছে যে তেওঁ ১৯ জুনলৈকে যোগদান কৰা নাছিল। এইদৰে হুমন গোহাঁই বৰুৱা, এচিএছে চৰকাৰী নিৰ্দেশনা/অ’এমসমূহ মানি চলাত ব্যৰ্থ হৈছিল যিটো চৰকাৰী নিৰ্দেশ উলংঘা, অবাধ্যতা আৰু গুৰুতৰ অসৎ আচৰণৰ সমান। এতিয়া, সেয়েহে, হুমন গোহাঁই বৰুৱা, তাৎক্ষণিকভাৱে কাৰ্যকৰী হোৱাকৈ অসম সেৱা (অনুশাসন আৰু আপীল) নিয়মাৱলী, ১৯৬৪ৰ নিয়ম ৬(১) (ক)ৰ অধীনত নিলম্বনৰ অধীনত ৰখা হৈছে। নিলম্বনৰ সময়ছোৱাত হুমন গোহাঁই বৰুৱাৰ মুখ্য কাৰ্যালয় এচিএছ কামৰূপ (ম) হিচাপে থাকিব।’-অধিসূচনাখনত লিখা আছে।
