ওড়িশাৰ পুৰীত অৱস্থিত বিখ্যাত জগন্নাথ মন্দিৰত এতিয়া ড্ৰেছ কোড কাৰ্যকৰী কৰা হ’ব। ফটা জিন্স, হাতৰ আঁচল নথকা কাপোৰ আৰু হাফ পেণ্ট পিন্ধি কোনো ভক্তই প্ৰৱেশ কৰিব নোৱাৰিব মন্দিৰৰ ভিতৰত। দ্বাদশ শতিকাৰ এই মন্দিৰত ১ জানুৱাৰীৰ পৰা ভক্তসকলৰ বাবে ‘ড্ৰেছ কোড’ কাৰ্যকৰী কৰা হ’ব। মন্দিৰ প্ৰশাসনে কয় যে মন্দিৰটো বিল বা উদ্যান নহয়, মন্দিৰত ভগৱান থাকে, মনোৰঞ্জনৰ স্থান নহয়।
কিছুমান মানুহে ধৰ্মীয় আৱেগক গুৰুত্ব নিদিয়ে
শ্ৰী জগন্নাথ মন্দিৰ প্ৰশাসনৰ মুৰব্বী ৰঞ্জন কুমাৰ দাসে কয়, “মন্দিৰৰ মৰ্যাদা আৰু পবিত্ৰতা বজাই ৰখাটো আমাৰ দায়িত্ব। দুৰ্ভাগ্যজনকভাৱে কিছুমান মানুহে আনৰ ধৰ্মীয় আৱেগক গুৰুত্ব নিদিয়াকৈ মন্দিৰলৈ আহে।” তেওঁ কয়, ”মন্দিৰত কিছুমান মানুহক ফটা জিন্স, হাতৰ আঁচল নথকা কাপোৰ আৰু হাফ পেণ্ট পিন্ধি এনেদৰে দেখা গৈছিল যেন তেওঁলোকে বিলত আছে বা উদ্যানলৈ ফুৰিবলৈহে আহিছে। ভগৱান মন্দিৰত থাকে, মন্দিৰটো মনোৰঞ্জনৰ ঠাই নহয়।’’
‘অশ্লীল’ সাজ-পোছাকত দেখা পোৱাৰ পিছত ড্ৰেছ কোডৰ সিদ্ধান্ত
তেওঁৰ মতে, মন্দিৰ ভ্ৰমণৰ বাবে গ্ৰহণযোগ্য সাজ-পোছাকৰ ক্ষেত্ৰত শীঘ্ৰে সিদ্ধান্ত লোৱা হ’ব। মন্দিৰ প্ৰশাসনৰ বিষয়াসকলেও কয় যে মন্দিৰৰ ‘সিংহদ্বাৰ’ত নিয়োজিত নিৰাপত্তাৰক্ষী আৰু মন্দিৰৰ ভিতৰত থকা প্ৰতিহাৰী ভৃত্যক ড্ৰেছ কোড বাছনি কৰাৰ সিদ্দান্ত দিয়া হছে। এই নিৰ্দেশনা পোৱাৰ পাছত ‘নীতি’ উপ-সমিতিৰ বৈঠকত ভক্তসকলৰ বাবে ‘ড্ৰেছ কোড’ বলবৎ কৰাৰ সিদ্ধান্ত লোৱা বুলিও তেওঁ কয়।
২০২৪ চনৰ ১ জানুৱাৰীৰ পৰা কাৰ্যকৰী হ’ব ‘ড্ৰেছ কোড’
ৰঞ্জন কুমাৰ দাসে কয় যে, “২০২৪ চনৰ ১ জানুৱাৰীৰ পৰা মন্দিৰত পোছাক সংহিতা কাৰ্যকৰী কৰা হ’ব।” মন্দিৰৰ ‘সিংহ দ্বাৰ’ত নিয়োজিত নিৰাপত্তাৰক্ষী আৰু মন্দিৰৰ ভিতৰত থকা প্ৰতিহাৰী ভৃত্যক সাজ-পোছাক বলবৎ কৰাৰ দায়িত্ব অৰ্পণ কৰা হৈছে। দাসে কয় যে হাফপেণ্ট, শ্বৰ্ট, ফটা জিন্স, স্কাৰ্ট আৰু হাতৰ আঁচল নথকা কাপোৰ পিন্ধা লোকক মন্দিৰত প্ৰৱেশ কৰিবলৈ দিয়া নহ’ব।
About the Author
