আকৌ মহিলাসহ ৬ বাংলাদেশী অনুপ্ৰৱেশকাৰীক আটক।
বাংলাদেশৰ পৰা ভাৰতত অবৈধভাৱে প্ৰৱেশৰ চেষ্টা কৰা দুগৰাকী মহিলাকে ধৰি ছয়জন বাংলাদেশী অনুপ্ৰৱেশকাৰীক আটক কৰিছে আৰক্ষীয়ে । ইফালে, আটক কৰা অনুপ্ৰৱেশকাৰী কেইজনক তালাচী চলোৱাৰ পাছতে পুনৰ চুবুৰীয়া দেশখনৰ কৰ্তৃপক্ষক গতাই দিয়া হয় ।আটকাধীন বাংলাদেশী নাগৰিক কেইজনৰ নাম হৈছে মঃ দিদাৰুল ইছলাম,সন্তু খান, ইছমাইল হুছেইন ৰাহাট, ছাকিব হুছেইন, শতি আখতাৰ আৰু মিম ছেইখ। ইফালে বাংলাদেশী কেইজন আটক কৰা খবৰ সামাজিক মাধ্যমৰ জৰিয়তে প্ৰকাশ কৰি সীমান্তত অসম আৰক্ষীৰ সতৰ্কতাক পুনৰ আলোকপাত কৰিছে অসমৰ মুখ্যমন্ত্ৰী হিমন্ত বিশ্ব শৰ্মাই ।
