ডিজিটেল ডেস্কঃ বলিউডৰ কিং খান শ্বাহৰুখৰ আহিবলগীয়া ছবি পাঠানৰ বাবে অপেক্ষা অনুৰাগীৰ। এই ছবিখনক লৈ আশাবাদী শ্বাহৰুখ খানৰ লগতে প্ৰযোজক-পৰিচালকো।
ইখনৰ পিছত সিখন ফ্লপ ছবি উপহাৰ দি ছুপাৰষ্টাৰৰ পৰা ফ্লপষ্টাৰৰূপে পৰিগণিত হোৱা শ্বাহৰুখ খানে তেওঁৰ পাঠান ছবিখন যিকোনো প্ৰকাৰে হিট কৰাৰ চেষ্টা চলাইছে।
ছবিখনৰ মুক্তিৰ পূৰ্বে মক্কা দৰ্শন কৰাৰ পিছত এইবাৰ বৈষ্ণদেৱী দৰ্শন কৰিছে। শেহতীয়াকৈ শ্বাহৰুখৰ এটা ভিডিঅ’ ছ’চিয়েল মিডিয়াত ভাইৰেল হৈ পৰিছে, য’ত শ্বাহৰুখক বৈষ্ণদেৱীৰ মন্দিৰত প্ৰৱেশ কৰা দেখা গৈছে। আন এটা ভিডিঅ’ত দেখা গৈছে যে দৰ্শন শেষ হোৱাৰ পিছত শ্বাহৰুখ গাড়ীত উঠিছে। শ্বাহৰুখৰ এই ভিডিঅ’টোৱে ছ’চিয়েল মিডিয়াত এক উন্মাদনাত পেলাইছে।
আনহাতে, ‘ডাংকি’ৰ শ্বুটিংৰ পিছত শ্বাহৰুখ খানে তীৰ্থযাত্ৰাৰ বাবে মন কৰিছিল। তেওঁ ওমৰাহ কৰিবলৈ মক্কালৈ গৈছিল। কিন্তু এইবাৰ বৈষ্ণদেৱী মন্দিৰ দৰ্শনক লৈ বহুতে শ্বাহৰুখক সমালোচনাও কৰিছে।
ৰাজকুমাৰ হিৰানী আৰু জিঅ’ ষ্টুডিঅ’ৰ প্ৰযোজনা ‘ডাংকি’ ছবিত অভিনয় কৰিছে শ্বাহৰুখে। ছৌদি আৰৱত ছবিখনৰ শ্বুটিং কৰি মক্কালৈ গৈছিল বলীউডৰ কিং খান। তাৰ পিছত তেওঁ এইবাৰ বৈষ্ণদেৱী দৰ্শনৰ বাবে যোৱা ভিডিঅ’ ভাইৰেল হৈ পৰিছে।
