বৃহস্পতিবাৰে হাইলাকান্দিত এগৰাকী নাবালিকা ধৰ্ষণ কৰাৰ অভিযোগত দুজন যুৱকক গ্ৰেপ্তাৰ কৰে আৰক্ষীয়ে।
আৰক্ষীয়ে জানিবলৈ দিয়া মতে, ১৫ জুলাইত ৰামনাথপুৰ আৰক্ষী থানাৰ অন্তৰ্গত কাঞ্চিয়ালা গাঁৱত সংঘটিত হৈছিল এই ঘটনা।
অভিযুক্ত কেইজন আবুল হুছেইন আৰু চেলিম উদ্দিন বুলি জানিব পৰা গৈছে। এক উচ্চপদস্থ বিষয়াই জনোৱা মতে, নিৰন্তৰ অভিযানৰ অন্তত অভিযুক্ত দুজনক গ্ৰেপ্তাৰ কৰা হৈছে।
হাইলাকান্দি জিলাৰ আৰক্ষী অধীক্ষক গৌৰৱ উপাধ্যায়ে কয়, ‘কাঞ্চিয়ালা গাঁৱৰ বনাঞ্চলত দুই যুৱকে এগৰাকী নাবালিকাক ধৰ্ষণ কৰিছিল।
“গোটেই অঞ্চলটো অতি দুৰ্গম বনাঞ্চল। আমি বিষয়টো অতি গুৰুত্বসহকাৰে লৈছিলোঁ আৰু লগে লগে সকলো জ্যেষ্ঠ বিষয়াই ততাতৈয়াকৈ সেই অঞ্চললৈ লৰালৰি কৰিছিল। আমি নিৰন্তৰ অভিযান চলাইছিলোঁ।’-তেওঁ লগতে কয়।
ঘটনাৰ অধিক তদন্ত চলি আছে আৰু শীঘ্ৰেই অধিক সবিশেষ প্ৰকাশ কৰা হ’ব বুলিও তেওঁ কয়।
জুন মাহত একেধৰণৰ ঘটনাত হোজাই জিলাৰ পৰা নাবালিকা ছোৱালীক ধৰ্ষণ কৰাৰ অভিযোগত দুজন লোকক গ্ৰেপ্তাৰ কৰা হৈছিল।
আৰক্ষীয়ে জনোৱা মতে, ধৃত দোষীকেইজন মুক্তাৰ হুছেইন আৰু আজিজুৰ ৰহমান বুলি চিনাক্ত কৰা হৈছে। ভুক্তভোগীৰ পৰিয়ালে এজাহাৰ দাখিল কৰাৰ পিছতে প’স্কো আইনৰ প্ৰাসংগিক ধাৰা অনুসৰি অভিযুক্তৰ বিৰুদ্ধে গোচৰ ৰুজু কৰা হৈছিল।
