আইদুল হুছেইন, নলবাৰীঃ নলবাৰী জিলা কিষান মৰ্চাৰ উদ্যোগত আজি নলবাৰীৰ শ্বহীদ মুকুন্দ কাকতি অসামৰিক চিকিৎসালয়ৰ ব্লাড বেংকত প্ৰায় ২০ গৰাকীতকৈ বেছি সদস্যই ৰক্তদান কৰে। ভাৰতীয় জনতা পাৰ্টিৰ কেন্দ্ৰীয় চৰকাৰৰ দ্বিতীয়টো কাৰ্য্যকালৰ দ্বী বাৰ্ষিক বৰ্ষপুৰ্তি উপলক্ষে “সেৱাই সংগঠন” শীৰ্ষক কাৰ্যসূচীৰ দ্বাৰা নলবাৰী জিলা কিষান মৰ্চাই এই ৰক্তদান কাৰ্যসূচী অনুষ্ঠিত কৰে। লগতে এই কাৰ্যসূচীত নলবাৰী জিলা আৰু মণ্ডলৰ তৰফৰ পৰা ৰক্তদান কৰে।
এই ৰক্তদান শিবিৰটোত ভাৰতীয় জনতা পাৰ্টিৰ কিষান মৰ্চাৰ সভাপতি ৰেখান্ত দাস, উপ সভাপতি যোগেশ ভৰালী, সম্পাদক কমল পাঠক, টাউন মণ্ডল সভাপতি বেদান্ত কলিতা প্ৰমুখ্যে জিলাৰ কাৰ্যকৰ্তা সকল উপস্থিত থাকে।
