ৰাজ্যত পুনৰ এনকাউণ্টাৰৰ ঘটনা। এইবাৰ নলবাৰীত আৰক্ষীৰ গুলীত আহত হ’ল দুৰ্ধৰ্ষ ডকাইত। ট্ৰাক হাইজককে ধৰি বিভিন্ন ডকাইতি কাণ্ডৰ সৈতে জড়িত দিলবাৰ আলী নামৰ দুৰ্ধৰ্ষ ডকাইতটোলৈ লক্ষ্য কৰি সোমবাৰে নিশা নলবাৰীৰ কাপলাবড়ীত গুলীচালনা আৰক্ষীৰ।
জানিব পৰা মতে, দৌলাশাল আৰক্ষীয়ে চলোৱা এক অভিযানত আৰক্ষীৰ সৈতে হতাহতিত লিপ্ত হয় দুৰ্ধৰ্ষ ডকাইতটোৱে। আৰক্ষীক চোকা অস্ত্ৰৰে আক্ৰমণ কৰাৰ ফলত সামান্য পৰিমাণে আহত হয় এগৰাকী আৰক্ষী বিষয়া।
আৰক্ষীক আক্ৰমণ কৰি সেই স্থানৰ পৰা পলায়নৰ চেষ্টা কৰাৰ সময়তে আৰক্ষীয়ে গুলীবৰ্ষণ কৰাত আহত হয় দিলৱাৰ আলী। বৰ্তমান নলবাৰী অসামৰিক চিকিৎসালয়ত চিকিৎসাধীন হৈ আছে দুৰ্ধৰ্ষ ডকাইতটো।
