নতুন দিল্লীত কেন্দ্ৰীয় মন্ত্ৰী তথা অসমৰ প্ৰাক্তন মুখ্যমন্ত্ৰী সৰ্বানন্দ সোনোৱালৰ সৈতে একেলগে নৈশ আহাৰ গ্ৰহণ কৰে অসমকণ্যা লাভলীনা বৰগোহাঁইয়ে। পিতৃ টিকেন বৰগোহাঁইৰ সৈতে কেন্দ্ৰীয় মন্ত্ৰী সৰ্বান্দন সোনোৱালৰ চৰকাৰী আবাসত নৈশ ভোজন গ্ৰহণ কৰি অভিভূত হৈ পৰা টকিঅ’ অলিম্পিকত পদকজয়ী বজ্রকণ্যা লাভলীনা বৰগোঁহাই।
উল্লেখ্য যে, অলিম্পিকত পদক অৰ্জনৰ প্ৰথমবাৰলৈ বৃহস্পতিবাৰে অসম পাবহি লাভলীনা। ইতিমধ্যে লাভলীনাক আদৰিবলৈ অসমত ব্যাপক প্ৰস্তুতি চলাইছে চৰকাৰে। ৰেড কাৰ্পেটৰে লাভলীনাক আদৰি অনাৰ পিছত বিয়লিৰ ভাগত শ্ৰীমন্ত শংকৰদেৱ কলক্ষেত্ৰত সম্বৰ্ধনা জনোৱা হব লাভলীনা বৰগোহাঁইক। ইফালে শুকুৰবাৰে পুৱা সংবাদমেল সম্বোধন কৰি কেন্দ্ৰীয় কাৰ্যসূচীত অংশগ্ৰহণৰ বাবে পুনৰ দিল্লীলৈ উৰা মাৰিব লাভলীনাই।
