মঙলবাৰে ধুবুৰী ৰে’লৱে ষ্টেচনৰ পৰা জব্দ কৰা হৈছে এজন ড্ৰাগছ ব্যৱসায়ীৰ বৃহৎ পৰিমাণৰ নিচাযুক্ত দ্ৰব্য।
প্ৰাপ্ত খবৰ মতে, ১৪০ বটল ৰস্কফ কফ চিৰাপ, ৪৫০০ কেপচুল পিয়ভন স্পাছ প্লাছ আৰু ২০০ কেপচুল থকা চালানখন পশ্চিম বংগৰ পৰা শিলিগুৰি-ধুবুৰী ডেম’ এক্সপ্ৰেছ ৰে’ল ধুবুৰী ৰে’লৱে ষ্টেচনত উপস্থিত হয়।
ধুবুৰী ৰে’লৱে ষ্টেচনত ডেমো এক্সপ্ৰেছত উপস্থিত হৈ ধুবুৰী আৰক্ষীৰ এটা দলে এজন সন্দেহযুক্ত ব্যক্তিক আটক কৰিবলৈ সক্ষম হয় আৰু তেওঁৰ হাতত পৰা বিপুল পৰিমাণৰ নিচাযুক্ত নিষিদ্ধ দ্ৰব্য উদ্ধাৰ কৰে।
ৰাতুল হুছেইন নামৰ অভিযুক্তজনে পশ্চিম বংগৰ পৰা আনিছিল নিষিদ্ধ নিচাযুক্ত দ্ৰব্য।
পিছত আৰক্ষীৰ দলটোৱে হুছেইনক তেওঁৰ বাসভৱনলৈ লৈ যায় আৰু বিদ্যাপাৰা অঞ্চলৰ আন দুজন বাসিন্দাৰ সৈতে তালাচী চলায়।
এন ডি পি এছ আইনৰ অধীনত এটা গোচৰ ৰুজু কৰা হৈছে আৰু তদন্ত কৰি আছে বিষয়টো চলি আছে বুলি আৰক্ষীয়ে জনায়।
