ধনশিৰি মহকুমা ডিজিটেল সাংবাদিক সংস্থাৰ এখনি সতীৰ্থ সন্মিলন আজি নাওজান ৰাজহুৱা ভৱনত অনুষ্ঠিত হয়। এদিনীয়া কাৰ্যসূচীৰে অনুষ্ঠিত হোৱা অনুষ্ঠানটোত পূৱা পতাকা উত্তোলন কৰে ধনশিৰি মহকুমাৰ ডিজিটেল সাংবাদিক সন্থাৰ সভাপতি গকুল দত্ত,শ্বহীদ তৰ্পণ কৰে সন্থাৰ সম্পাদক উদিপ বৰা আৰু বৃক্ষ ৰোপনৰ পিছতে ছাত্ৰ-ছাত্ৰীসকলৰ মাজত দুটা শাখাত এক চিত্ৰাংঙ্কন প্ৰতিযোগিতাৰ অনুষ্ঠিত হয়।উল্লেখ্য যে বিয়লি এক বজাত গোলাঘাটৰ বিশিষ্ট সাংবাদিক সমাজকৰ্মী তথা ডিজিটেল সাংবাদিক সন্থাৰ কেন্দ্ৰীয় সাধাৰণ সম্পাদক দিগন্ত ভূঞাৰ সঞ্চালনত অনুষ্ঠিত হোৱা সতীৰ্থ সন্মিলন অঞ্চলটোৰ প্ৰায় অৰ্ধশতাধিক সাংবাদিক উপস্থিত থাকে।মুকলি সভাত পদ্মশ্ৰী অৰণ্যমানৱ যাদৱ পায়েং বিশিষ্ট অতিথি হিচাবে উপস্থিত থাকে। চুতীয়া ছাত্ৰ সন্থা, সদৌ অসম ছাত্র সন্থাকে ধৰি বহু কেইটা দল সংগঠনৰ বিষয়ববীয়াই অংশগ্ৰহণ কৰে।
অনুষ্ঠানটিৰ লগত সংগতি ৰাখি সন্ধ্যা কন্ঠশিল্পী মন্টু গোহাঁই, দেৱজিৎ বৰা আৰু দিপুদিক্ষীতৰ গীতৰ শৰাই আয়োজন কৰা হৈছে বুলি উদ্যেক্তাসকলে জানিবলৈ দিয়ে। উক্ত অনুষ্ঠানটি সাফল্যমণ্ডিত কৰিবলৈ জাতি বৰ্ণ,ধৰ্ম,ভাষা নিৰ্বিশেষে স্থানীয় ৰাইজ,দল-সংগঠনে ঐকান্তিকতাৰে সহায় সহযোগ আগবঢ়ায়।
