ডিজিটেল ডেস্কঃ দেশত কোৰোনা সংক্ৰমণৰ হ্ৰাস-বৃদ্ধি অব্যাহত আছে। যোৱা এটা দিনৰ তুলনাত দেশত কোভিড সংক্ৰমণৰ হাৰ ১১ শতাংশ হ্ৰাস পাইছে যদিও মৃত্যুৰ সংখ্যা বৃদ্ধিয়ে সৃষ্টি কৰিছে উদ্বেগৰ। কেন্দ্ৰীয় গৃহ মন্ত্ৰালয়ৰ মতে, যোৱা ২৪ ঘণ্টাত দেশত ১৪,৩৪৮ জন লোক নতুনকৈ কোৰোনাত আক্ৰান্ত হৈছে। এই সময়ত, ৮০৫ জন লোকৰ মৃত্যু ঘটিছে কোভিডৰ ফলত। ইফালে, এই নিৰ্দিষ্ট সময়ত ১৩,১৯৮ জন লোক আৰোগ্য হৈ ঘৰলৈ উভটিছে।
যোৱা ২৪ ঘণ্টাত, কেৱল কেৰালাতে ৭০৮ জন লোকৰ কোৰোনাত মৃত্যু হৈছে। ৰাজ্যখনত কোৰোনাৰ মৃত্যুৰ হাৰে চিন্তাত পেলাইছে বিশেষজ্ঞসকলোকো।
মহামাৰীৰ আৰম্ভণিৰ পৰা, দেশখনত ৩৪.২৪৬ নিযুত লোক কৰোনাৰ দ্বাৰা প্ৰভাৱিত হৈছে আৰু ৩৩.৬২৭ নিযুত ৬৩২ জন লোকে এতিয়ালৈকে আৰোগ্য লাভ কৰিছে। দেশত ৪৫৭,৯১ জন লোকে প্ৰাণ হেৰুৱাইছে কোভিডৰ ফলত। এই মুহূৰ্তত, দেশত সক্ৰিয় কৰোনা ৰোগীৰ সংখ্যা হৈছে ৬১,৩৩৪ জন।
