বাক্সা জিলাৰ তামুলপুৰত আৰক্ষীৰ অভিযানত বৃহৎ পৰিমাণৰ গাঞ্জাসহ আটক হয় এজন সৰবৰাহকাৰী। তামূলপুৰৰ কুমাৰীকাটাৰ ৩নং কালিপুৰত আৰক্ষীয়ে গোপন খবৰৰ ভিত্তিত অভিযান চলাই জব্দ কৰে ৩০ কেজি গাঞ্জা। জব্দকৃত গাঞ্জাখিনিৰ বজাৰ মূল্য এক লাখতকৈও অধিক হব বুলি জানিবলৈ দিয়ে আৰক্ষীয়ে।
ইফালে এই গাঞ্জা সৰবৰাহৰে জড়িত থকাৰ অভিযোগত আৰক্ষীয়ে জ্যোতি দাস নামৰ এজন লোকক আটক কৰে। ধৃত জ্যোতি দাসৰ ঘৰ কুমাৰীকাটাৰ ৩নং কালিপুৰত।
আৰক্ষীয়ে সদৰী কৰা মতে জ্যোতি দাস নামৰ সৰবৰাহকাৰীজনে এই বৃহৎ পৰিমাণৰ গাঞ্জাখিনি ওদালগুৰি জিলাৰ ভৈৰৱকুণ্ডৰ পৰা আনি কুমাৰীকাটাস্থিত নিজ বাসগৃহত ৰাখিছিল। সম্প্ৰতি অধিক তথ্যৰ বাবে আটকাধীন জ্যোতিক তামুলপুৰ আৰক্ষীয়ে জেৰা অব্যাহত ৰাখিছে।
