বাইথ মন্দিৰ উদ্বোধন।ডিব্ৰুগড় জিলা পৰিষদ আৰু সোনোৱাল কছাৰী স্বায়ত্ব শাসিত পৰিষদৰ যৌথ পূঁজিৰে জকাই হাৰকপথাৰত নিৰ্মাণ কৰা জকাই আঞ্চলিক বাইথ মন্দিৰটি আজি আনুষ্ঠানিকভাৱে ৰাইজৰ বাবে মুকলি কৰে । ডিব্ৰুগড় জিলা পৰিষদৰ উপ-সভানেত্ৰী পুস্পাঞ্জলি সোনোৱাল আৰু সোনোৱাল কছাৰী স্বায়ত্ব শাসিত পৰিষদৰ মুখ্য কাৰ্যবাহী টংকেশ্বৰ সোনোৱালৰ উপস্থিতিত এই মন্দিৰটো ধৰ্মীয় পৰম্পৰাগত ৰীতি-নীতি নিয়মৰ মাজেৰে ফিটা কাটি মুকলি কৰে সোনোৱাল কছাৰী সম্প্ৰদায়ৰ শদিয়া বৰপথাৰৰ প্ৰাক্তন মজিন্দাৰ প্ৰমোদ সোনোৱালে । অনুষ্ঠানত জকাই অঞ্চলৰ সোনোৱাল কছাৰী শতাধিক ভক্তপ্ৰাণ ৰাইজে অংশগ্ৰহণ কৰে।
