মৰিগাঁও জিলাৰ জাগীৰোডৰ চাকুমাকু গাঁৱত এগৰাকী যুৱতীক বলাত্কাৰৰ চেষ্টা চলাই ৰাইজৰ ৰোষত পৰিল এজন লম্পট। একে গাঁৱৰে এগৰাকী যুৱতীৰ কোঠাত নিশা খিৰিকীৰে প্ৰৱেশ কৰি নিজৰ অসৎ অভিসন্ধি পূৰণৰ চেষ্টা চলায় ৰম কুমাৰ বিশ্বাস নামৰ লম্পটটোৱে। কিন্তু যুৱতীগৰাকীয়ে চিঞৰ বাখৰ কৰাত যুৱতীগৰাকীক চুৰীকাঘাত কৰি পলায়ন কৰে লম্পটটোৱে।
আনহাতে এই ঘটনাৰ বিষয়ে পুৱা স্থানীয় ৰাইজে জানিব পৰাৰ পিছতে লম্পটজনক কৰায়ত্ব কৰি খুটাত বান্ধি লপা থপা দিয়ে। অভিযোগ অনুসৰি এই লম্পটজনৰ বিৰুদ্ধে পূৰ্বেও বহু অসামাজিক কাৰ্য্য সংঘটিত কৰাৰ অভিযোগ আছে।
ইফালে যুৱতীগৰাকীৰ অভিযোগ অনুসৰি কলেজলৈ যোৱাৰ বাটত তেওঁক প্ৰায়ে অশ্লীল ইংগিত দি আহিছিল ৰম কুমাৰ বিশ্বাসে।
