দেওবাৰে নিশা জাগীৰোড অঞ্চলৰ দেওশালত এখন মিনি ট্ৰাকৰ সৈতে এখন ট্ৰাকৰ মুখামুখি সংঘৰ্ষত তিনিজন লোক নিহত হয়। খবৰ অনুসৰি ট্ৰাকখনে বাঁহ কঢ়িয়াই আনিছিল, আনহাতে মিনি ট্ৰাকে বালি কঢ়িয়াই লৈ গৈ থকা অৱস্থাত এই দুৰ্ঘটনা সংঘটিত হয়।
খবৰ অনুসৰি তিনিজন লোকৰ ঘটনাস্থলীত মৃত্যু ঘটে। নিহত সকলৰ পৰিচয় এতিয়াও জানিব পৰা হোৱা নাই। দুৰ্ঘটনাৰ পিছত স্থানীয় ৰাইজে আৰক্ষী আৰু এম্বুলেন্সক খবৰ দিয়ে যদিও ঘটনাস্থলীত এম্বুলেন্স উপস্থিত হোৱাত পলম কৰাৰ অভিযোগ উত্থাপন হৈছে। ঘটনাক কেন্দ্ৰ কৰি অঞ্চলটোত শোকাকূল পৰিবেশে বিৰাজ কৰে।
