শ্বুটিঙৰ পৰা ওভতাৰ পথতে ভয়ংকৰ দুৰ্ঘটনাত মৃত্যু সৰু পৰ্দাৰ জনপ্ৰিয় বাঙালী অভিনেত্ৰী সুচন্দ্ৰা দাসগুপ্তাৰ।
শনিবাৰে নিশা কলকাতাৰ বৰানগৰত সংঘটিত হয় এই দুৰ্ঘটনা।
পিছফালৰ পৰা ল’ৰীৰ খুন্দাত থিতাতে নিহত হয় বাইকত আহি থকা সুচন্দ্ৰাৰ।
জানিব পৰা মতে, সন্মুখত হঠাৎ উপস্থিত হোৱা এজন চাইকেল আৰোহীক বচাবলৈ ব্ৰেক মাৰিবলগীয়া হৈছিল সুচন্দ্ৰা দাসগুপ্তাই।
সেই সময়তে পিছফালৰ পৰা আহি থকা দ্ৰুতবেগী ট্ৰাকখনে খুন্দা মাৰে অভিনেত্ৰীগৰাকীৰ বাইকত।
প্ৰণিধানযোগ্য যে, ‘গৌৰী এলো’কে ধৰি কেইবাখনো ধাৰাবাহিকত অভিনয় কৰি জনপ্ৰিয় হৈ পৰিছিল সুচন্দ্ৰা।
