চিকিৎসালয়ৰ পৰিৱৰ্তে এইবাৰ ৰাজপথলৈ হাতত প্লেকাৰ্ড লৈ ওলাই আহিল মৰিগাঁও আশা কৰ্মী।তিনি হেজাৰ টকাৰ মাননীৰ পৰিৱৰ্তে পোন্ধৰ হেজাৰ টকাৰ দৰমহা প্ৰদান কৰি NRHM কৰ্মচাৰীৰ সমমৰ্য্যদা প্ৰদান কৰা,অতিৰিক্ত কৰ্মৰ বোজা হ্ৰাস কৰাৰ দাবীত এক বৃহৎ সমদল বাহিৰ কৰে।মৰিগাঁও স্কুল খেলপথাৰৰ পৰা জিলা যুটীয়া স্বাস্থ্য সঞ্চালকৰ কাৰ্য্যালয়লৈ ওলিওৱা এই সমদলত অংশ লয় জিলাখনৰ সহস্ৰাধিক আশা কৰ্মীয়ে।প্ৰতিবাদৰ অন্তত জিলা যুটীয়া স্বাস্থ্য সঞ্চালকৰ জৰিয়তে মুখ্যমন্ত্ৰীলৈ এক স্মাৰক পত্ৰ প্ৰদান কৰি প্ৰতিবাদী আশা কৰ্মীসকলে আগন্তুক সময়ত এই দাবী পূৰণ নহ’লে লোকসভা নিৰ্বাচনত শাসনাধিস্থ চৰকাৰখনক বৰ্জন কৰাৰ হুংকাৰ প্ৰদান কৰে।
