গুৱাহাটীঃ অসম আৰক্ষীয়ে সোমবাৰে নিশা অভিযান চলাই কোকৰাঝাৰ জিলাৰ গোসাঁইগাঁৱৰ ৫০০ কিলোগ্ৰামতকৈ অধিক ওজনৰ গাঞ্জা ভৰ্তি মুঠ ৫১ টা পেকেট উদ্ধাৰ কৰে।
অসমৰ বিশেষ আৰক্ষী সঞ্চালক প্ৰধান (ডিজিপি) এল আৰ বিষ্ণোইৰ মতে, জব্দ কৰা গাঞ্জাখিনিৰ বজাৰ মূল্য হৈছে ১ কোটি টকা।
আৰক্ষীয়ে সদৰী কৰা মতে, ত্ৰিপুৰাৰ পৰা অসম হৈ বিহাৰ অভিমুখে গৈ থকা অৱস্থাত এখন ট্ৰাকৰ পৰা এই বৃহৎ পৰিমাণৰ গাঞ্জাখিনি জব্দ কৰা হয়। ঘটনা সন্দৰ্ভত এজন লোকক আটক কৰি ইতিমধ্যে তদন্ত অব্যাহত ৰাখিছে আৰক্ষীয়ে।
