যোৰহাট জিলাত সোমবাৰে পুৱা এগৰাকী ৭৫ বছৰীয়া মহিলাৰ অৰ্ধগলিত মৃতদেহ তেওঁৰ বাসগৃহৰ ভিতৰতে উদ্ধাৰ হোৱাৰ ঘটনাই সৃ্ষ্টি কৰিছে তীব্ৰ প্ৰতিক্ৰিয়াৰ।
জানিব পৰা মতে, বাহোনা গাঁৱত বৃদ্ধাগৰাকীৰ মৃতদেহ পৰিয়ালৰ কোনো লোকৰ অজ্ঞাতে বিচনাত পৰি থকা অৱস্থাত উদ্ধাৰ হয়।
মৃত বৃদ্ধাগৰাকীৰ নাম অনুপমা দত্ত বুলি জানিব পৰা গৈছে।
জানিব পৰা মতে, কন্যাৰ সৈতে একেটা ঘৰতে বাস কৰিছিল বৃদ্ধা গৰাকীয়ে। তেওঁৰ দুই উচ্চ শিক্ষিত পুত্ৰই কেলিফৰ্ণিয়া আৰু ছিকিমত থাকে।
পচি যোৱা অৱস্থাত মৃতদেহ উদ্ধাৰ হোৱা ঘটনাই অঞ্চলটোত উত্তপ্ত পৰিস্থিতিৰ সৃষ্টি কৰিছে।
ইফালে আৰক্ষীয়ে ঘটনাস্থলীত উপস্থিত হৈ বিষয়টোৰ তদন্ত আৰম্ভ কৰে যদিও মৃত্যুৰ সঠিক কাৰণ এতিয়াও জানিব পৰা হোৱা নাই।
