কেন্দ্ৰীয় মন্ত্ৰীসভাত ৰদবদল। অৰ্জুন ৰাম মেঘৱালক নতুন কেন্দ্ৰীয় আইন মন্ত্ৰী হিচাপে নিযুক্তি।
ৰাষ্ট্ৰপতি ভৱনে জাৰি কৰা এক বিবৃতিত মন্ত্ৰীসভাৰ এই সালসলনিৰ বিষয়ে প্ৰকাশ কৰা হৈছে।
ৰাষ্ট্ৰপতি ভৱনৰ বিজ্ঞপ্তি অনুসৰি, মেঘৱালক কিৰেণ ৰিজিজুৰ ঠাইত তেওঁৰ বৰ্তমানৰ পৰ্টফলিঅ’ৰ উপৰিও আইন আৰু ন্যায় মন্ত্ৰালয়ত ৰাজ্যিক মন্ত্ৰী হিচাপে স্বতন্ত্ৰ দায়িত্ব নিযুক্তি দিয়া হৈছে।
বৰ্তমান মেঘৱাল সংসদীয় পৰিক্ৰমা ৰাজ্যিক মন্ত্ৰী আৰু সাংস্কৃতিক ৰাজ্যিক মন্ত্ৰী হিচাপে কাৰ্যনিৰ্বাহ কৰি আছিল।
ইফালে আইন মন্ত্ৰী হিচাপে কাৰ্যনিৰ্বাহ কৰা কিৰেণ ৰিজিজুক ভূ-বিজ্ঞান মন্ত্ৰণালয়ৰ দায়িত্ব অৰ্পণ কৰা হৈছে।
উল্লেখ্য যে, ২০২১ চনৰ ৮ জুলাইত ৰিজিজুৱে আইন আৰু ন্যায় মন্ত্ৰীৰ দায়িত্ব গ্ৰহণ কৰিছিল।
ইয়াৰ পূৰ্বে ২০১৯ চনৰ মে’ৰ পৰা ২০২১ চনৰ জুলাইলৈকে যুৱ পৰিক্ৰমা আৰু ক্ৰীড়া বিভাগৰ ৰাজ্যিক মন্ত্ৰী হিচাপে কাৰ্যনিৰ্বাহ কৰিছিল ৰিজিজুৱে।
