আগন্তুক বিধানসভা নিৰ্বাচনৰ বাবে ‘ৰাকু দা’ খ্যাত ৰাজকুমাৰ ঠাকুৰীয়াক SVEEP-ৰ ব্ৰেণ্ড এম্বেচাদৰ হিচাপে কামৰূপ জিলা প্ৰশাসনে নিৰ্বাচন কৰে ৷ খবৰটো বিয়পি পৰাৰ লগে লগে ৰাজকুমাৰ ঠাকুৰীয়াৰ ফেন ক্লাৱে ৰাজকুমাৰ ঠাকুৰীয়াক ছ’চিয়েল মিডিয়াত শুভেচ্চা বাণীৰে উপচাই পেলায় ৷
কামৰূপ জিলাৰ মিৰ্জাত জন্মগ্ৰহণ কৰা ৰাজকুমাৰ ঠাকুৰীয়াক এগৰাকী সমাজসেৱক হিটাপেও অসমৰ ৰাইজে দেখিছে ৷ ক’ৰোনাৰ সময়ছোৱাত ৰাইজৰ ওচৰত থিয় হোৱা এই গৰাকী ব্যক্তিৰ এক স্বকীয় শৈলীৰে অসমবাসীৰ এখন চিনাকি মুখ ৷
অভিনয়, সংগীতৰে অসমৰ ৰাইজক আমোদ প্ৰদান কৰি অহা ৰাজকুমাৰ ঠাকুৰীয়াই ছ’চিয়েল মিডিয়াত এই সন্দৰ্ভত মত প্ৰকাশ কৰি কয় যে মই এজন চিম্পোল ভোটাৰ, হ’বলৈ ওলাইছো ব্ৰেণ্ড এম্বেচেদৰ ৷ সম্প্ৰতি ৰাকুদাৰ এই প’ষ্টে ছ’চিয়েল মিডিয়াত অধিক জনপ্ৰিয়তা লাভ কৰিছে৷
