সমগ্ৰ দেশজুৰি পুনৰ আৰম্ভ হৈছে ক’ৰ’ণাৰ দ্বিতীয় পৰ্যায়ৰ সংক্ৰমণ। এনে সংহাৰী ৰূপ অব্যাহত থকাৰ মাজতে অমৰনাথ যাত্ৰাৰ বাবে যাবতীয় প্ৰস্তুতি সম্পূৰ্ণ কৰি তুলিছে সাজু পৰ্বতীয় ৰাজ্য জম্মু-কাশ্মীৰৰ চৰকাৰ। শ্ৰীনগৰত চৰকাৰী মুখপাত্ৰই সংবাদ মাধ্যমৰ আগত প্ৰকাশ কৰা মতে এইবাৰৰ অমৰনাথ যাত্ৰাত প্ৰায় ৬ লাখ ভক্তই অংশ লোৱাৰ সম্ভাৱনা ব্যক্ত কৰিছে ৷ স্মতৰ্ৱ্য যে যোৱা বৰ্ষত অমৰনাথ যাত্ৰাক লৈ অনিশ্চয়তাই বিৰাজ কৰিছিল ৷ যাৰবাবে উল্লিখিত বৰ্ষৰ ২৩ জুনৰ পৰা যাত্ৰা আৰম্ভ কৰা হ’ব বুলি প্ৰস্তুতি চলোৱা হৈছিল যদিও পিছত ২১ জুলাইলৈ পিছুৱাই দিয়া হয় ৷
জম্মু -কাশ্মীৰৰ মুখ্য সচিবে ক’ভিড প্ৰ’টকল অনুসৰি অমৰনাথ যাত্ৰাত ৫০০জন ভক্তই ভাগ ল’ব পাৰিব বুলি সদৰি কৰিছিল৷ তৎস্বত্বেও চৰকাৰে যাত্ৰা আৰম্ভৰ ক্ষেত্ৰত সম্পূৰ্ণ সিদ্ধান্তৰ কতৃত্ব দিয়ে শ্ৰীঅমৰনাথ শ্ৰীন বৰ্ডক ৷ কিন্ত অমৰনাথ শ্ৰীণ বৰ্ডে সকলো দিশ পৰীক্ষাৰ অন্তত ক’ভিড সংক্ৰমণৰ ভয়াৱহতাৰ প্ৰতি লক্ষ্য ৰাখি অমৰযাত্ৰা বাতিলৰ ঘোষনা কৰে৷ কিন্ত বিগত এটা বৰ্ষৰ অন্তত চলিত বৰ্ষৰ অমৰনাথ যাত্ৰাৰ দিন ঘোষনা কৰিছে৷ ২৮জুনৰ পৰা ২২ আগষ্টলৈ চলিব এই যাত্ৰা৷ ক’ভিডৰ দ্বিতীয় সংক্ৰমণৰ মাজতে অমৰনাথ যাত্ৰাৰ দিন ঘোষণা কৰি জম্মু-কাশ্মীৰ চৰকাৰে ক’ভিড প্ৰ’টকল অনুসৰি প্ৰস্তুতি সম্পূৰ্ণ কৰি তুলিছে৷
উল্লেখ্য ২০২০ বৰ্ষত অমৰনাথ যাত্ৰা হ’ব নে নাই তাকে লৈ বহু দিন ধৰি চৰকাৰে চিন্তা-চৰ্চা কৰি আছিল। প্ৰথম অৱস্থাত ২০২০ চনত ২৩ জুনৰ পৰা অমৰনাথ যাত্ৰা হ’ব বুলি কথা ওলাইছিল যদিও সেই তাৰিখ পুনৰ ২১ জুলাইলৈ পিছুৱাই দিয়া বুলি প্ৰচাৰ হৈছিল।
