ক’ৰ’না আতংকৰ মাজতে অসম উচ্চতৰ মাধ্যমিক শিক্ষা সংসদৰ জৰুৰী ঘোষণা। উচ্চতৰ মাধ্যমিক চূড়ান্ত বৰ্ষৰ পৰীক্ষা আৰু উচ্চতৰ মাধ্যমিক প্ৰথমবৰ্ষৰ পৰীক্ষাৰ এটা কৈ বিষয়ৰ পূৰ্বে ঘোষিত সময়ৰ সাল- সলনি। জাননীৰ জৰিয়তে সংসদে ঘোষণা কৰিছে এই কথা।
সংসদে জাননীৰ জৰিয়তে প্ৰকাশ কৰা অনুসৰি ১৯ মে’ৰ পিছবেলা অনুষ্ঠিত হ’ব লগা চূড়ান্ত বৰ্ষৰ এমআইএল/অলটাৰনেটিভ ইংলিছ বিষয়ৰ পৰীক্ষা উক্ত দিনৰ পৰিৱৰ্তে অনুষ্ঠিত হ’ব ৫ জুনৰ পুৱা। একেদৰে প্ৰথম বৰ্ষৰ কম্পিউটাৰ চাইন্স এণ্ড এপ্লিকেচন বিষয়ৰ পৰীক্ষা ১৯মে’ ৰাতিপুৱাৰ পৰিৱৰ্তে অনুষ্ঠিত হ’ব ১৭মে’ আবেলি।
টেকনিকেল অসুবিধাৰ বাবে পৰীক্ষাৰ দিন সাল-সলনি কৰাৰ কথা জাননীখনত স্পষ্টকৈ উল্লেখ কৰিছে। উল্লেখ্য যে, এই বিশেষ জাননীখন প্ৰকাশ পাইছে বৃহস্পতিবাৰে।
