যুদ্ধবিধ্বস্ত ইউক্ৰেইনত পুনৰ গুলিবিদ্ধ হ’ল আন এজন ভাৰতীয় যুৱক। আহত ভাৰতীয় যুৱকজনক বৰ্তমান ভৰ্তি কৰোৱা হৈছে চিকিৎসালয়ত। শুকুৰবাৰে কেন্দ্ৰীয় মন্ত্ৰী ভি কে সিঙে এই কথা সংবাদমেল যোগে জানিবলৈ দিয়ে।
জানিব পৰা মতে, ভাৰতীয় শিক্ষাৰ্থীজনে ইউক্ৰেইনৰ ৰাজধানী কিয়েভৰ পৰা স্থানান্তৰিত হ’বলৈ চেষ্টা কৰিছিল আৰু এনে সময়তে গুলীচালনাত আহত হয়। কেন্দ্ৰীয় মন্ত্ৰী ভি কে সিঙে জানিব দিয়া অনুসৰি, গুলীবিদ্ধ ছাত্ৰজনক উদ্ধাৰ কৰি কিয়েভৰ এখন হাস্পতালত ভৰ্তি কৰোৱা হৈছে।
মন্ত্ৰীগৰাকীয়ে কয়- আমি খবৰ লাভ কৰিছো যে কিয়েভ এৰি যোৱা এজন শিক্ষাৰ্থী গুলীবিদ্ধ হৈছিল। তেওঁক কিয়েভলৈ ঘূৰাই নিয়া হৈছে আৰু লগে লগে চিকিৎসালয়লৈ লৈ যোৱা হৈছে।
উল্লেখ্য যে, ইউক্ৰেইনৰ পৰা ভাৰতীয়সকলক স্থানান্তৰ কৰাৰ তদাৰক কৰিবলৈ ইউক্ৰেইনৰ চুবুৰীয়া দেশসমূহলৈ বিশেষ দূত হিচাপে প্ৰেৰণ কৰা চাৰিজন মন্ত্ৰীৰ ভিতৰত এজন হৈছে ভি কে সিং। কেন্দ্ৰীয় মন্ত্ৰী গৰাকীয়ে জনোৱা অনুসৰি কমেও ১৭০০ ছাত্ৰই এতিয়াও যুদ্ধবিধস্ত ইউক্ৰেইনৰ পৰা স্থানান্তৰিত হ’বলৈ অপেক্ষা কৰি আছে
