জনপ্ৰিয় কৌতুক অভিনেতা কপিল শৰ্মাই সোমবাৰে পুনৰ অনুৰাগীক এটি সু-খবৰ দিয়ে ৷ তেওঁৰ সুখবৰটো ছ’চিয়েল মিডিয়াত ব্যক্ত কৰাৰ লগে লগে অনুৰাগীয়ে শুভকামনাৰে উপচাই পেলাই ছ’চিয়েল মিডিয়া৷মনোজ বাজপেয়ী, চাইনা নেহৱালৰ লগতে বহুকেইজন বলীউডৰ জনপ্ৰিয় অভিনেতাই অভিনন্দন জনাইছে কপিল শৰ্মাক। দৰাচলতে সুখবৰটো হ’ল অভিনেতা কপিল শৰ্মা দ্বিতীয়বাৰৰ বাবে পিতৃত্বৰ গৌৰৱ অৰ্জন কৰিলে ৷ এই সুখবৰটো কপিল শৰ্মাই আজি টুইটাৰ যোগে পোষ্ট কৰি জনায় যে ভগৱানৰ আশীৰ্বাদত তেওঁলোকে এটি পুত্ৰ সন্তান লাভ কৰিছে।
উল্লেখ্য, ইয়াৰ বাবে কপিল শৰ্মাই তেওঁৰ কামৰ পৰাও কিছুদিন আঁতৰি থকাৰ লগতে কিছুদিনৰ বাবে তেওঁ কমেডী শ্ব’ৰ পৰাও বিৰতি লৈছে । তেওঁ কয় যে তেওঁ কিছু সময় নিজৰ পত্নী আৰু সন্তানৰ সৈতে কটাব বিচাৰিছে।
