শনিবাৰে আৰক্ষীয়ে জনোৱা মতে, ৰাজস্থানৰ চিতোৰগড় জিলাত এটা পৰিয়ালৰ এছ ইউ ভি গাড়ীখনে এখন ট্ৰাকত খুন্দা মৰাৰ ফলত ৪ জন লোক নিহত হোৱাৰ লগতে আহত হয় ৮ জন লোক।
শুকুৰবাৰে প্ৰায় মাজনিশা মৰভান গাঁৱৰ সমীপত এজন আত্মীয়ৰ শেষ ৰীতি-নীতিত উপস্থিত হৈ উদয়পুৰৰ পৰা ইন্দোৰলৈ উভতি অহাৰ সময়তে সংঘটিত হয় দুৰ্ঘটনাটো।
মঙলৱাড থানাৰ SHO ৰমেশ কাৱিয়াই জনোৱা মতে, ৪ জন লোকৰ থিতাতে মৃত্যু হয়। আহত সকলক মঙলৱাডত প্ৰাথমিক চিকিৎসাৰ অন্তত উদয়পুৰলৈ প্ৰেৰণ কৰা হৈছে।
মৃত লোককেইজন ইন্দোৰৰ বাসিন্দা সোহাইল, চাকিলা, ৰাজা আৰু জাহিদ বুলি চিনাক্ত কৰা হৈছে।
তেওঁ লগতে কয় যে মৰণোত্তৰ পৰীক্ষাৰ অন্তত মৃতদেহ পৰিয়ালক গতাই দিয়া হ’ব।
