বলীউদৰ কুইন খ্যাত অভিনেত্ৰী কংগনা ৰানাৱট সম্প্ৰতি সমগ্ৰ ভাৰতৰে বিতৰ্কিত কুইন বুলিও কিছু সংখ্যকে ক’ব খোজে ৷প্ৰতিদিনে যিকোনো বিষয়তে মাত মাতি অভিনেত্ৰীগৰাকীয়ে বিতৰ্কত সোমাই আহিছে৷ এইবাৰ টুইটাৰত তিনি কৃষি আইনৰ বিৰুদ্ধে দেশৰ ৰাজধানীত আন্দোলন কৰি থকা আন্দোলনকাৰী কৃষকক সমালোচনমূলক টুইত কৰি পুনৰ বিতৰ্কত সোমাই পৰিছে অভিনেত্ৰীগৰাকীয়ে ৷
উল্লেখ্য, কৃষক আন্দোলনৰ প্ৰতি সমৰ্থন জনাই আন্তৰ্জাতিক প’প ষ্টাৰ ৰিহানাই মঙলবাৰে টুইট কৰিছিল । লগতে প’প ষ্টাৰগৰাকীয়ে কৃষক আন্দোলন হৈ থকা অঞ্চলসমূহত ইন্টাৰনেট কৰ্তন কৰা সন্দৰ্ভতো সমালোচনা কৰে ৷ বলীউদৰ অভিনেত্ৰী কংগনা ৰানাৱটে ৰিহানাৰ টুইটক সমালোচনা কৰি টুইটাৰত লিখে যে এই সম্পৰ্কে কোনো আলোচনা কৰা নাই কাৰণ তেওঁলোক কৃষক নহয়, তেওঁলোক সন্ত্ৰাসবাদীহে ৷ এওঁলোকে ভাৰতবৰ্ষক বিভাজন আনিবলৈ চেষ্টা কৰি আহিছে ৷ যাতে চীনে এই বিভক্ত দেশৰ সুবিধা গ্ৰহণ কৰিব পাৰে আৰু লগতে চীনৰ এটা কলনি কৰিব বিচাৰিছে ৷ ৰিহানা আৰু কংগনা ৰানাৱটে কৰা এই মন্তব্যই সামাজিক মাধ্যমত বিশেষ খলকনিৰ সৃষ্টি কৰিছে ৷
