ষ্টাফৰিপৰ্টাৰ, পদত্যাগ নহয়, অৱসৰ ল’ব বিধায়ক শিলাদিত্য দেৱে। হোজাইত বিস্ফোৰক মন্তব্য বিজেপি বিধায়কজনৰ। শিলাদিত্য দেৱে কয়, ‘‘৩০ বছৰ বিজেপি কৰি মুখপাত্ৰৰ বাহিৰে একো পোৱা নাই। আমাৰ ভেল্যু নাই। মন্ত্ৰীৰ বাবে ষড়যন্ত্ৰ কৰা নাই। আমাৰ অভিজ্ঞতা আছে, কিন্তু পদবীৰ বাবে লবী কৰা নাই। ১০ মাহ–১ বছৰৰ ভিতৰত মোক হত্যা কৰা হ’ব। গতিকে আঁতৰি যোৱা ভাল বুলি অৱসৰ ল’ম।’’‘মই কোনো দলত যোগদান নকৰো। কিন্তু ৰাইজৰ কাম কৰি যাম। মই অকলে খোজ দিম, যুঁজ দিম, অকলে কাম কৰি যাম। ১৪ জুলাইত অৱসৰ ল’ম ভাৰতীয় জনতা পাৰ্টীৰ পৰা।দলৰ সভাপতিক ৱাটছ এপৰ জৰিয়তে অৱগত কৰিছো। কিন্তু সভাপতিয়ে ফোন উঠোৱা নাই।’’ – ক’লে শিলাদিত্য দেৱে।হোজাইৰ বিধায়কজনে কয় – ‘অসমত লীডাৰ নাই। সকলোৱে লীডাৰ হ’ব বিচাৰে। মই অনফিট গতিকে আঁতৰি যাম। মোনা লৈ ফুৰা ব্যক্তিজনে ধ্বংস কৰিছে বিজেপিক। ৰিপ’ৰ্ট কাৰ্ড অক্টোবৰ মাহত দি দিম। বিধায়ক হিচাপে থকা কৰ্তব্য পালন কৰি যাম। দলত কোনো ধৰণৰ কন্ট্র’ল নাই। মোনা লোৱাজন বহুত শক্তিশালী, তেওঁ অসম বিজেপিত বিভাজন কৰি ৰাখিছে। মোনা লৈ ৰাতি আহি যায় ঠায়ে ঠায়ে। ৰাজেন গোহাঁই, আৰ পি শৰ্মা, ৰমেন ডেকাক হত্যা কৰা হ’ল। এতিয়া মোনা লোৱা ব্যক্তিজনে মোক হত্যা কৰিব।’
