পশ্চিম বংগ চৰকাৰে সোমবাৰে (৭ জুন) মাধ্যমিক দশম শ্ৰেণী আৰু উচ্ছা মাধ্যমিক ৰ দ্বাদশ শ্ৰেণীৰ পৰীক্ষা এই বছৰ বাতিল কৰে। পশ্চিম বংগৰ মুখ্যমন্ত্ৰী তথা তৃণমূল কংগ্ৰেছৰ সুপ্ৰিমো মমতা বেনাৰ্জীয়ে আজি এক সংবাদমেলত এই সিদ্ধান্তৰ কথা ঘোষণা কৰে। ৰাজ্যখনৰ কৰোনাভাইৰাছৰ পৰিস্থিতিৰ প্ৰতি লক্ষ্য ৰাখি পশ্চিম বংগ মাধ্যমিক দশম শ্ৰেণী আৰু উচ্ছা মাধ্যমিক দ্বাদশ শ্ৰেণীৰ পৰীক্ষা বাতিল কৰাৰ সিদ্ধান্ত লোৱা হৈছে।
৬ জুনত পশ্চিম বংগ চৰকাৰে মাধ্যমিক আৰু উচ্চতৰ মাধ্যমিক শ্ৰেণীৰ বাবে ৰাজ্যিক ব’ৰ্ডৰ পৰীক্ষা অনুষ্ঠিত কৰিব লাগে নে নহয় সেই সন্দৰ্ভত শিক্ষাৰ্থী আৰু অভিভাৱকসকলৰ মতামত আমন্ত্ৰণ কৰিছিল। ৭ জুনৰ দুপৰীয়া ২ বজালৈকে শিক্ষাৰ্থী আৰু অভিভাৱকৰ মতামত এই বিষয়ত আমন্ত্ৰণ জনোৱা হৈছিল। মতামতবোৰ pbssm.spo@gmail.com বা commissionerschooleducation@gmail.com প্ৰেৰণ কৰা হৈছিল।
