ইণ্ডিয়া মোবাইল কংগ্ৰেছ(ভাৰত মোবাইল সন্মিলন) ২০২৪ৰ উদ্বোধনী দিনটোত দেশৰ আগশাৰীৰ টেলিকম প্ৰতিষ্ঠান ভি-এ নিজৰ থিম “ফিউচাৰ ইজ লাইভ” উন্মোচন কৰে, য’ত ৫জি আৰু আইঅ’টিৰ যুগান্তকাৰী অগ্ৰগতিসমূহ প্ৰদৰ্শন কৰা হয়, যিয়ে উদ্যোগ আৰু দৈনন্দিন অভিজ্ঞতাক ন ৰূপত সংজ্ঞায়িত কৰিবলৈ সাজু হৈছে। আইএমচিত মুকলি কৰা থিম “ফিউচাৰ ইজ লাইভ”-এ ভি-ৰ তাৎক্ষণিক, প্ৰযুক্তি-চালিত সমাধান প্ৰদানৰ প্ৰতিশ্ৰুতিৰ সৈতে নিখুঁতভাৱে সংগতি ৰাখে। ভি-ৰ আন এক উল্লেখযোগ্য দিশ হৈছে ‘ৰেডি ফৰ নেক্সট’ কাৰ্যসূচী, যাৰ লক্ষ্য হৈছে ক্ষুদ্ৰ আৰু মজলীয়া উদ্যোগসমূহক ডিজিটেল সঁজুলিৰে সবলীকৰণ কৰি তোলা। ২০২২ত এই পদক্ষেপ আৰম্ভ হোৱাৰ পিছৰে পৰা ১৬টা খণ্ডৰ ১,৬০,০০০ এমএছএমইৰ সৈতে অংশীদাৰিত্ব কৰি বিনামূলীয়া ডিজিটেল পৰামৰ্শদান সেৱা প্ৰদান কৰিছে।
ভি-এ নিজৰ বৈপ্লৱিক স্বাস্থ্যসেৱা সমাধান ‘ক্লিনিক ইন এ বেগ’ প্ৰদৰ্শন কৰিছে, যিয়ে দূৰৱৰ্তী এলেকাবোৰত বাস্তৱ-সময়ৰ ৰোগীৰ মূল্যায়ন সক্ষম কৰি তোলে। অন্ধ্ৰ প্ৰদেশৰ লাইভ ফীডৰ সৈতে প্ৰদৰ্শিত এই প্ৰযুক্তিয়ে ২৫০ টকাতকৈও কম দামত ৩০টাতকৈও অধিক চিকিৎসা পৰীক্ষা আগবঢ়ায়, যাৰ ফলত গ্ৰামাঞ্চলৰ লাখ লাখ লোকৰ বাবে স্বাস্থ্যসেৱাৰ সুবিধা লোৱাৰ বিকল্পই অনন্য মাত্ৰ লাভ কৰিছে।
ভি-ৰ উদ্ভাৱনে অসমৰ স্থানীয় ব্যৱসায়সমূহৰ সংযোগ আৰু ডিজিটেল সমাধান বৃদ্ধি কৰাৰ প্ৰতিশ্ৰুতি দিয়ে, যিয়ে ব্যৱহাৰকাৰীক ক্ৰমবৰ্ধমান ডিজিটেল অৰ্থনীতিত আগবাঢ়ি যোৱা বা ৰূপান্তৰত সহায় কৰে। ভি-ৰ মুখ্য কাৰ্যবাহী বিষয়া অক্ষয় মুন্দ্ৰাই এই বিষয়ে নিজৰ অভিমত প্ৰকাশ কৰি কয় যে, “আমি উদ্যোগসমূহৰ পৰিৱৰ্তন আৰু জীৱন উন্নত কৰাৰ বাবে অত্যাধুনিক সংযোগ ব্যৱহাৰ-প্ৰয়োগ কৰিবলৈ প্ৰতিশ্ৰুতিবদ্ধ।” আইএমচিত অংশগ্ৰহণকাৰীসকলে ভি-ৰ বুথত এই প্ৰযুক্তিবোৰ প্ৰত্যক্ষভাৱে অন্বেষণ কৰিব পাৰে, যিয়ে নিমজ্জিত অভিজ্ঞতা আৰু লাইভ মিউজিকৰ দৰে অতিৰিক্ত আকৰ্ষণ প্ৰদান কৰি সংযোগৰ পৰিৱৰ্তনশীল শক্তিক চিত্ৰায়িত কৰে।
