উৎকৰ্ষ স্মল ফাইনেন্স বেংক লিমিটেডে (উৎকৰ্ষ এছএফবিএল) সমগ্ৰ ভাৰতত ১৮টা নতুন বেংক আউটলেট মুকলিৰ জৰিয়তে পঞ্চদশ প্ৰতিষ্ঠা দিৱস উদযাপন কৰিলে, এই নতুন আউটলেট মুকলিৰ লগে লগে এই সংখ্যা বৃদ্ধি পালে ৯৬৬টালৈ। বিশেষভাৱে নতুনকৈ বিহাৰ, হিমাচল প্ৰদেশ আৰু মধ্য প্ৰদেশত কেইবাটাও শাখা মুকলি কৰা হৈছে, যাৰ ফলত বিত্তীয় অন্তৰ্ভুক্তিৰ প্ৰতি বেংকৰ প্ৰতিশ্ৰুতি অধিক বৃদ্ধি পাইছে।
অধ্যক্ষ পাৰবীন কুমাৰ গুপ্তাই এই সম্প্ৰসাৰণৰ তাৎপৰ্যৰ বিষয়ত নিজৰ সৰ্বাধিক গুৰুত্ব আৰোপ কৰি কয়, “এই পদক্ষেপে সুলভ বেংক সমাধানৰ দ্বাৰা সাধাৰণ লোকসকলক সবলীকৰণৰ আমাৰ দৃষ্টিভংগীক অধিক শক্তিশালী কৰিলে।” উৎকৰ্ষ স্মল ফাইনেন্স বেংকৰ এমডি এণ্ড চিইঅ’ গোবিন্দ সিঙে বেংকটোৰ যাত্ৰাৰ ওপৰত চিন্তা-চৰ্চা কৰি বিত্তীয় পৰিৱেশৰ এক গুৰুত্বপূৰ্ণ প্ৰতিষ্ঠান হিচাপে বেংকটোৰ বিৱৰ্তনৰ ওপৰত আলোকপাত কৰে।
নতুন আউটলেট সংযোজনে অসমৰ দৰে ৰাজ্যৰ ভিতৰুৱা অঞ্চলৰ আৰু পিছপৰা সম্প্ৰদায়ৰ লোকসকলক বিত্তীয় সেৱাৰ ক্ৰমবৰ্ধমান চাহিদা পূৰণ কৰাৰ প্ৰতিশ্ৰুতি দিছে। চেভিংছ একাউণ্ট, ঋণ আৰু ডিজিটেল বেংক বিকল্পকে ধৰি এক শক্তিশালী পৰ্টফলিঅ’ৰ সৈতে উৎকৰ্ষ এছএফবিএলে স্থানীয় ব্যৱসায়ী আৰু ব্যক্তিসকলক নিজৰ নিজৰ বিত্তীয় লক্ষ্যত উপনীত হোৱাত সহায় কৰিবলৈ সুস্থিৰ অৱস্থাত আছে।
