টয়োটা কিৰ্লোস্কাৰ মটৰে (টিকেএম)গ্ৰাম্য অঞ্চলৰ ওপৰত বিশেষ প্ৰাধান্য দি ৫০ সংখ্যক টয়োটা কাৰিকৰী শিক্ষা প্ৰ’গ্ৰাম ( (T-TEP) মুকলিৰ ঘোষণা কৰে। শিক্ষাৰ্থীসকলৰ দক্ষতা বৃদ্ধি কৰাৰ লক্ষ্যৰে ইম্ফলৰ চৰকাৰী পলিটেকনিক শিক্ষা প্ৰতিষ্ঠানত ইয়াৰ মুকলি কৰে। মুকলি অনুষ্ঠানটোত মণিপুৰ চৰকাৰৰ শিক্ষা, আইন আৰু আইন পৰিক্ৰমা মন্ত্ৰী শ্ৰী বসন্ত কুমাৰ সিং, টিকেএমৰ জ্যেষ্ঠ বিষয়া শ্ৰী বিক্ৰম গুলাটি আৰু অন্যান্য বিষয়াসকল উপস্থিত থাকে। টি-টিইপিৰ সৈতে, এতিয়ালৈকে টিকেএমে ২২ খন ৰাজ্যক সামৰি ৫০ খন আইটিআই/পলিটেকনিক মহাবিদ্যালয়ৰ সৈতে চুক্তিবদ্ধ হৈছে।
বৰ্তমান, ১০,০০০ ৰো অধিক শিক্ষাৰ্থীক প্ৰশিক্ষণ দিয়া হৈছে আৰু ইয়াৰ ৭০% শিক্ষাৰ্থীয়ে দেশৰ বিভিন্ন অট’মোবাইল কোম্পানীত কাম কৰি আছে। এই উপলক্ষে মণিপুৰ চৰকাৰৰ শিক্ষা, আইন আৰু আইন পৰিক্ৰমা মন্ত্ৰী শ্ৰী বসন্ত কুমাৰ সিঙে কয়, “টয়োটাৰ দৰে উদ্যোগৰ অংশীদাৰসকলৰ সৈতে সহযোগিতা কৰি এনে ভাল পদক্ষেপসমূহক সমৰ্থন কৰিবলৈ চৰকাৰ প্ৰতিশ্ৰুতিবদ্ধ, যাৰ ফলত বিদ্যমান দক্ষতাৰ ব্যৱধান দূৰ কৰাত তেওঁলোকৰ প্ৰচেষ্টা বৃদ্ধি পাইছে আৰু যিয়ে বিশ্বমানৰ কৰ্মচাৰী বিকাশত সহায় কৰিব।”
এই উদ্যোগৰ অংশ হিচাপে, টয়োটাই অট’মোবাইলৰ মৌলিক বিষয়, সুৰক্ষা, টয়োটা মূল্য আৰু মৌলিক ছফট দক্ষতা সামৰি শেহতীয়া পাঠ্যক্ৰমৰ সৈতে প্ৰতিষ্ঠানটোক সামৰি লোৱা হৈছে। ইয়াৰ উপৰিও, কোম্পানীটোৱে ই-লাৰ্ণিং সমল, ইঞ্জিন, ট্ৰেন্সমিচন, অনুশীলনী কিট প্ৰদান কৰিব আৰু প্ৰতিষ্ঠানটোৱে ইয়াৰ অনন্য ট্ৰেইন-দ্য-ট্ৰেইনাৰ পদ্ধতিৰ জৰিয়তে প্ৰশিক্ষণ দিব।
