বৈদেশিক পৰিক্ৰমা মন্ত্ৰী এছ জয়শংকৰে ১৫-১৬ অক্টোবৰত পাকিস্তান ভ্ৰমণ কৰিব। তেওঁ ইছলামাবাদত এছচিঅ’ৰ চৰকাৰৰ মুৰব্বীসকলৰ (চিএইচজি) বৈঠকত অংশগ্ৰহণ কৰিব। বৈদেশিক মন্ত্ৰালয়ৰ মুখপাত্ৰ ৰণধীৰ জয়ছোৱালে এই তথ্য প্ৰদান কৰে। ন বছৰৰ ভিতৰত এইটো প্ৰথমবাৰৰ বাবে হ’ব যে ভাৰতৰ এজন মন্ত্ৰীয়ে পাকিস্তান ভ্ৰমণ কৰিব।বৈদেশিক পৰিক্ৰমা মন্ত্ৰালয়ৰ সংবাদমেলত জয়ছোৱালক যেতিয়া সাংবাদিকে প্ৰশ্ন কৰে যে জয়শংকৰৰ এই ভ্ৰমণ ভাৰত-পাকিস্তানৰ মাজৰ সম্পৰ্ক উন্নত কৰাৰ এক প্ৰয়াস নেকি? ইয়াৰ উত্তৰত তেওঁ কয় যে ভাৰত এছচিঅ’ চাৰ্টাৰৰ প্ৰতি প্ৰতিশ্ৰুতিবদ্ধ।
বৈদেশিক পৰিক্ৰমা মন্ত্ৰীৰ ভ্ৰমণৰ সেইটোৱেই কাৰণ। ইয়াক অন্যথা ব্যাখ্যা কৰিব নালাগে। প্ৰকৃততে, পাকিস্তানে ২৯ আগষ্টত এছচিঅ’ৰ বৈঠকৰ বাবে প্ৰধানমন্ত্ৰী নৰেন্দ্ৰ মোদীক আমন্ত্ৰণ জনাইছিল। পাকিস্তানৰ বৈদেশিক কাৰ্যালয়ৰ মুখপাত্ৰ মুমতাজ জাহৰা বালোচে কৈছিল যে বৈঠকত উপস্থিত থাকিবলৈ সকলো সদস্য ৰাষ্ট্ৰৰ মুৰব্বীলৈ আমন্ত্ৰণ প্ৰেৰণ কৰা হৈছে।
উল্লেখ্য যে প্ৰধানমন্ত্ৰী মোদীয়ে শেষবাৰৰ বাবে ২০১৫ চনত আকস্মিক ভ্ৰমণত লাহোৰ ভ্ৰমণ কৰিছিল। তাৰ পিছত তেওঁ পাকিস্তানৰ প্ৰধানমন্ত্ৰী নৱাজ শ্বৰীফক লগ কৰিছিল। ইয়াৰ পিছত, ডিচেম্বৰ ২০১৫-ত, ভাৰতৰ তদানীন্তন বৈদেশিক পৰিক্ৰমা মন্ত্ৰী সুষমা স্বৰাজেও পাকিস্তান ভ্ৰমণ কৰে। তেওঁৰ ভ্ৰমণৰ পিছৰে পৰা, কোনো ভাৰতৰ প্ৰধানমন্ত্ৰী বা মন্ত্ৰীয়ে পাকিস্তান ভ্ৰমণ কৰা নাই।
