ভাৰতীয় ক্ৰিকেট দলে পাঁচখন খেলৰ শৃংখলাৰ দ্বিতীয়খন টেষ্ট মেচৰ বাবে কেনবৰাৰ পৰা উৰা মাৰি এডিলেডত উপস্থিত হৈছে। পাৰ্থ টেষ্টত ২৯৫ ৰানত জয়লাভ কৰাৰ পিছত ভাৰতীয় দলটো কেনবৰাত উপস্থিত হয়, য’ত তেওঁলোকে প্ৰধানমন্ত্ৰী একাদশৰ বিৰুদ্ধে দুদিনীয়া দিবা-নৈশ অনুশীলন মেচ খেলে। দুদিনৰ প্ৰথম দিনটোত বৰষুণে বিধি -পথালি দিয়ে আৰু ১ ডিচেম্বৰত ভাৰতে অনুশীলন মেচখন জিকিছিল আৰু ২ ডিচেম্বৰত এডিলেডলৈ ৰাওনা হৈছিল। অধিনায়ক ৰোহিত শৰ্মাই পাৰ্থ টেষ্ট মেচখন খেলা নাছিল, কিন্তু এডিলেড টেষ্টৰ বাবে দললৈ উভতি আহিছে আৰু ৱাৰ্ম-আপ মেচতো অংশগ্ৰহণ কৰিছিল।
এডিলেডত অনুষ্ঠিত হ’বলগীয়া খেলখন দিবা-নৈশৰ খেল হ’ব। বৰ্ডাৰ-গাভাস্কাৰ ট্ৰফীৰ ক্ষেত্ৰত এই টেষ্ট মেচখন দুয়োটা দলৰ বাবে অতি গুৰুত্বপূৰ্ণ হ’ব, ইয়াৰ উপৰিও, এই টেষ্ট মেচৰ ফলাফলে দুয়োটা দলে আইচিচি বিশ্ব টেষ্ট চেম্পিয়নশ্বিপ ২০২৩-২৫ৰ ফাইনেলত উপনীত হোৱাৰ সম্ভাৱনাকো প্ৰভাৱিত কৰিব। ভাৰতীয় দলটোৱে ৬ ডিচেম্বৰৰ পৰা এডিলেড অভেল খেলপথাৰত টেষ্ট মেচ খেলিব।
টেষ্টৰ প্ৰথম অধিৱেশন ভাৰতীয় সময় অনুসৰি পুৱা ৯:৩০ বজাৰ পৰা ১১:৩০ বজালৈ অনুষ্ঠিত হ’ব, যাৰ পিছত ডিনাৰ বিৰতি হ’ব, তাৰ পিছত ৪০ মিনিটৰ বিৰতিৰ পিছত, দুয়োটা দলে দ্বিতীয় অধিৱেশনৰ বাবে দুপৰীয়া ১২:১০ বজাত খেলপথাৰলৈ উভতি আহিব। দ্বিতীয় অধিৱেশনটো আবেলি ২:১০ বজালৈকে খেলা হ’ব আৰু তাৰ পিছত ২০ মিনিটৰ চাহ বিৰতি, অন্তিম অধিৱেশন আবেলি ২:৩০ বজাৰ পৰা আৰম্ভ হ’ব আৰু আবেলি ৪:৩০ বজাত সম্পন্ন হ’ব।
