টাটা মটৰ্ছে (ভাৰতৰ সৰ্ববৃহৎ বাণিজ্যিক বাহন নিৰ্মাতা) বেংগালুৰু মেট্ৰ’পলিটান ট্ৰান্সপোৰ্ট কৰ্পোৰেচন (বিএমটিচি)ৰ পৰা 921 খন বৈদ্যুতিক বাছৰ অৰ্ডাৰ লাভ কৰিছে। কনভাৰ্জেঞ্চ এনাৰ্জি চাৰ্ভিচেছ লিমিটেডৰ (চিইএছএল) বৃহত্তৰ নিবিদাৰ অধীনত, টাটা মটৰ্ছে চুক্তি অনুসৰি 12 বছৰৰ বাবে 12 মিটাৰ বৈদ্যুতিক বাছ যোগান ধৰিব, পৰিচালনা কৰিব আৰু ৰক্ষণাবেক্ষণ কৰিব।
আজিলৈকে, টাটা মটৰ্ছে ভাৰতৰ একাধিক চহৰত 715 খনতকৈও অধিক বৈদ্যুতিক বাছ যোগান ধৰিছে, যিবোৰে সামগ্ৰিকভাৱে 40 নিযুত কিলোমিটাৰতকৈও অধিক সময় অতিক্ৰম কৰিছে।টাটা ষ্টাৰবাছ হৈছে এক স্বদেশী ভাৱে বিকশিত বাহন যাৰ ডিজাইন উন্নত আৰু বহনক্ষম আৰু আৰামদায়ক ভ্ৰমণৰ বাবে প্ৰস্তুত কৰা শ্ৰেষ্ঠ-শ্ৰেণীৰ সুবিধা আছে। টাটা মটৰ্ছে ইতিমধ্যে যোৱা 30 দিনত দিল্লী পৰিবহন নিগমৰ (ডিটিচি) পৰা ক্ৰমান্বয়ে 1,500 বৈদ্যুতিক বাছ আৰু পশ্চিম বংগ পৰিবহন নিগমৰ (ডব্লিউবিটিচি) পৰা 1,180 খন বৈদ্যুতিক বাছৰ অৰ্ডাৰ লাভ কৰিছে।
টাটা মটৰ্ছৰ অত্যাধুনিক গৱেষণা আৰু বিকাশ সুবিধাবোৰে বেটাৰী-বৈদ্যুতিক, হাইব্ৰিড, চিএনজি, এলএনজি আৰু হাইড্ৰজেন ফুৱেল চেল প্ৰযুক্তিকে ধৰি বৈকল্পিক ইন্ধন প্ৰযুক্তিৰ দ্বাৰা চালিত অভিনৱ গতিশীলতা সমাধান প্ৰস্তুত কৰাৰ বাবে ক্ৰমান্বয়ে কাম কৰি আহিছে।
