টাটা মটৰ্ছে ভাৰতত ইভিবোৰ অধিক সুলভ কৰি তুলিবলৈ ইয়াৰ পৰ্টফলিঅ’ সম্প্ৰসাৰণৰ ঘোষণা কৰিছে। নতুন গতিশীলতা সমাধান আগবঢ়োৱাৰ বাবে টিপিজি ৰাইছ (Rise) ক্লাইমেটৰ সৈতে কোম্পানীটোৱে টাটা পেচেঞ্জাৰ ইলেক্ট্ৰিক মোবিলিটি (টিপিইএম) স্থাপন কৰিছে।
টিপিইএমৰ লক্ষ্য হৈছে গ্ৰীণ ৱেভ আৰু ২০৩০ চনৰ ভিতৰত ৩০% বৈদ্যুতিক বাহন চলোৱাৰ চৰকাৰৰ দৃষ্টিভংগীক সমৰ্থন কৰা। বৰ্তমান সময়ছোৱাত ৪০,০০০ ৰো অধিক টাটা ইভি পথত চলাচল কৰি আছে আৰু ই গ্ৰাহকসকলক ব্ৰেণ্ডটোৰ ওপৰত বিশ্বাস নিশ্চিত কৰে।
বিশ্ব ইভি দিৱসত ইয়াৰ পৰিকল্পনা ঘোষণা কৰি টাটা মটৰ্ছ পেচেঞ্জাৰ ভেহিকেলছ লিমিটেডৰ পৰিচালনা সঞ্চালক শ্ৰী শৈলেশ চন্দ্ৰ আৰু টাটা পেচেঞ্জাৰ ইলেক্ট্ৰিক মোবিলিটি লিমিটেডে কয়, ‘গোটৰ সমন্বয়ৰ সুবিধা লৈ আমি টাটা ইউনিইভাৰ্চ স্থাপন কৰিব ওলাইছোঁ, যি হৈছে ইয়াৰ এক প্ৰকাৰৰ ইভি ইক’চিষ্টেম, যি ইভি গ্ৰহণক অধিক আগুৱাই নিছে।কোম্পানীটোৱে বিভিন্ন সামগ্ৰী শাখা, বডি ষ্টাইল আৰু সামৰ্থ্যৰ স্তৰত ১০ টা ইভি মুকলি কৰিবলৈ প্ৰতিশ্ৰুতিবদ্ধ।
